رىباكينا «جىل ويىنشىسىنا» ۇمىتكەر اتاندى

ماۋسىم قورىتىندىسى بويىنشا ايەلدەر تەننيسى قاۋىمداستىعىنىڭ (WTA) ماراپاتىنا ۇمىتكەرلەر انىقتالدى.

ەلىمىزدىڭ ءبىرىنشى راكەتكاسى، «ۋيمبلدون-2022» ءتۋرنيرىنىڭ جەڭىمپازى ەلەنا رىباكينا «جىل ويىنشىسى» اتالىمى بويىنشا ۇمىتكەرلەر قاتارىنا كىردى.

سونداي-اق، جوعارى ماراپاتقا الەمنىڭ ءبىرىنشى راكەتكاسى، «رولان گارروس»، US Open جانە تاعى التى جارىستىڭ جەڭىمپازى، پولشانىڭ تەننيسشىسى يگا شۆەنتەك، دۇنيەجۇزىلىك رەيتينگىدە ەكىنشى تۇرعان US Open جانە «ۋيمبلدون» ءتۋرنيرىنىڭ ءفيناليسى، مادريد پەن بەرلين چەمپيونى، تۋنيستىك ونس جابەر باق سىناسادى. بۇدان باسقا، امەريكالىقتار، الەمنىڭ جەتىنشى راكەتكاسى، «رولان گارروس» ءتۋرنيرۋىنىڭ ءفيناليسى كوري گاۋفف، رەيتينگىدە ۇزدىك ۇشتىكتەگى «گۆادالاحارا»  تۋرنيرىنىڭ جەڭىمپازى دجەسسيكا پەگۋلا مەن بيىل WTA قورىتىندى تۋرنيرىندە توپ جارعان فرانتسيالىق كارولين گارسيا تىزىمگە ىلىككەن.

داستان كەنجالين،

استانا