SportPress.kz Qazaqstan sport jańalyqtary
Urpaqtan-urpaqqa umytylmaı jetken dástúrli ónerimiz qazaq kúresinen kezekti týrnır máresine jetti.
Bul joly ulttyq kúresimizdi dáripteý maqsatynda uıymdastyrylǵan týrnırde meshit qyzmetkerleri men jamaǵaty qatysty. Ol bıyl Almaty qalasy Din isteri jónindegi basqarmasy men «Ulttyq mura» baǵdarlamasynyń muryndyq bolýymen tórtinshi ret ótti. Osyǵan deıingi jarystarda meshitke kelýshi jamaǵat qana ózara beldesse, bul joly meshit qyzmetkerleri arasyndaǵy balýandar da ózara saıysqa tústi.
Bıylǵy ereksheligimiz – meshit jamaǵatymen qatar meshit ókilderi de jarysqa qatysty. Jarys qarsańynda eki aı boıy meshit qyzmetkerleri jaraqat alyp qalmas úshin arnaıy daıyndyqtan ótkizdik. Taǵy bir aıta keter jaı bul jarysymyzǵa kásibı balýandardyń qatysýyna tyıym salynǵan. Qazaq kúresi federaııasynan kelgen mamandar keshegi salmaq ólsheý rásiminen bastap, tipti búgingi jarys barysynda da qatysýshylar arasynda sporttyq dárejesi bar kásibı sportshylardyń qatyspaýyn qadaǵalap otyr, — dedi «Ulttyq mura» baǵdarlamasynyń menedjeri Álııa Shaıhan.
Júlde qory qomaqty bolǵandyqtan da kásipqoı sportshylardyń da qatysýǵa qyzyǵýshylyǵy bolǵany ras. Alaıda, qyraǵy qazylar kásibı deńgeıi joǵary balýandardyń birazyn týrnır barysynda jarystan shettetti.
Týrnır qazaq kúresi bekitken erejege sáıkes ótkizilip, qatysýshylar 75 kelige deıin jáne +75 keliden joǵary salmaq boıynsha baq synady. Meshit jamaǵaty arasyndaǵy jarysqa 45 balýan tirkelip, bári de bozkilemde aıanyp qalmady. 75 kelige deıingi salmaqta irikteý beldesýlerinen irkilmeı ótken Azamat Jarasov pen Amankeldi Asyl fınalǵa shyqty. Bas júlde úshin ótken basty beldesýde baǵy basym bolǵan Azamat Jarasov jeńimpaz atandy. 75 keliden joǵary salmaqtyń júldesin Kenjehan Tólepov pen Saıat Ysqaq ózara sarapqa saldy. Qos myqty bir-birine ádis jasaı almaı birazǵa deıin alysty. Tek úsh birdeı eskertý Saıat Ysqaq alyp qalǵandyqtan Kenjehan Tólepov jeńimpaz dep tanyldy.
Eki aı boıy osy týrnırge qatysý úshin arnaıy daıyndyqtan ótken meshit kyzmetkerleri arasyndaǵy beldesýler de tartysty ótti. 75 kelige deıingi salmaqta «kúsh atasyn tanymas» degen qaǵıdany taǵy bir ret dáleldeı bilgen Eldos Jortymov jeńimpaz atandy. Ol ózinen 15 keli aýyr ári eńseli qarsylasy Baqtııar Nurmahanovty tize búktirdi. Al alyptar beldesýinde Rýslan Qaıyrgeldini jeńgen Abzal Turarbekov bas júldeni jeńip aldy.
Aldymen jarysty uıymdastyrýshylarǵa alǵysymdy aıtamyn. Eki aı boıy bizdiń tyńǵylyqty daıyndalýymyzǵa jaǵdaı jasady. Sondyqtan da balýandardyń bári de myqty boldy. Meniń salmaǵym 58 keli bolsa, fınaldaǵy qarsylasymnyń salmaǵy menen 15 kelideı artyq boldy. Ári ol kezinde erkin kúrespen aınalysqan. Al men bolsam mektepte júrgende kúrespen shuǵyldanǵan edim. Bul joly meniń baǵym jandy, — dedi týrnırdiń jeńimpazy Eldos Jortymov.
Týrnırdi arnaıy kelip tamashalaǵan Almaty qalasynyń bas ımamy Tóle bı Ospan jarys sońynan jeńimpazdardy marapattady. Jeńiimpaz balýandarǵa 150 myń teńge men arnaıy belbeý tabys etildi. Ekinshi oryn ıegerleri 100 myń teńge alsa, qola júldege ıe bolǵandar 50 myń teńgeni qanaǵat tutty.
Jarystyń maqsaty – ulttyq sportymyzdy damytý, onyń ishinde qazaq kúresi arqyly salaýatty ómir saltyn nasıhattaý, meshit qyzmetkerleri men jamaǵatyn sportpen aınalysýǵa shaqyrý bolatyn. Osylaısha ulttyq sportymyz taǵy bir ret dáriptelip, kúrestiń osy túri dástúrimizben ǵana emes, dinimizben de astasyp jatqandyǵynyń kýási boldyq.
Aqyn ORDABAIULY,
Ázız TASTAEV
ALMATY
