SportPress.kz قازاقستان سپورت جاڭالىقتارى
گروسسمەيستەر دينارا سادۋاقاسوۆا جاس شاحماتشىلارعا سەنەتىنىن، قازاقستاندىقتاردىڭ ءۇمىتىن اقتاۋ ۇلكەن جاۋاپكەرشىلىك ەكەنىن ايتتى.
الدىمەن ول وزىنە قولداۋ بىلدىرگەن مەملەكەت باسشىسىنا العىسىن جەتكىزدى.
«پرەزيدەنتكە قازاق سپورتشىلارىنىڭ ەرەن ەڭبەگىنە نازار اۋدارعانى ءۇشىن زور العىس ايتقىم كەلەدى. بۇل كىمگە بولسا دا موتيۆاتسيا بەرەدى. جالپى وتانداستارىمىزدىڭ ءۇمىتىن اقتاۋ، جاڭا بەلەستەردى باعىندىرۋ ۇلكەن جاۋاپكەرشىلىك جۇكتەيدى»، — دەدى شاحماتشى.
سونداي-اق دينارا سادۋاقاسوۆا جاس شاحماتشىلاردىڭ بيىك بەلەستەردى باعىندىراتىنىنا سەنەتىنىن ايتتى.
«مۇنداي ماراپات جاس شاحماتشىلارعا دا اسەر ەتەدى. مەنىڭ شاحمات اكادەميامدا مىڭداعان بالالار ءبىلىم الىپ ءجۇر. قازىردىڭ وزىندە ولار ماعان مەسسەندجەرلەردە جانە الەۋمەتتىك جەلىلەردە حابارلامالار جىبەرىپ، مەنىڭ وسىنداي قۇتتىقتاۋ العانىما قۋانىشتى بولعاندارىن جازىپ جاتىر. سونداي-اق جاقىن ارادا وزدەرى دە سول سەكىلدى ۇلكەن جەتىستىكتەرگە جەتەتىندەرىن ايتادى. مەن ولارعا سەنەمىن»، — دەدى ول.
بيىل 26-28 جەلتوقسان ارالىعىندا الماتىدا شاحماتتان الەم چەمپيوناتى ءوتتى. وعان قىتاي، ءۇندىستان، رەسەي مەن تاعى باسقا ەلدەردىڭ ۇزدىك ويىنشىلارى قاتىستى. بۇل جارىستا شاحماتتىڭ راپيد تۇرىنەن دينارا سادۋاقاسوۆا كۇمىس جۇلدەگەر اتاندى.
داۋرەن ەربولات
