SportPress.kz Qazaqstan sport jańalyqtary
Grossmeıster Dınara Sádýaqasova jas shahmatshylarǵa senetinin, qazaqstandyqtardyń úmitin aqtaý úlken jaýapkershilik ekenin aıtty.
Aldymen ol ózine qoldaý bildirgen memleket basshysyna alǵysyn jetkizdi.
«Prezıdentke qazaq sportshylarynyń eren eńbegine nazar aýdarǵany úshin zor alǵys aıtqym keledi. Bul kimge bolsa da motıvaııa beredi. Jalpy otandastarymyzdyń úmitin aqtaý, jańa belesterdi baǵyndyrý úlken jaýapkershilik júkteıdi», — dedi shahmatshy.
Sondaı-aq Dınara Sádýaqasova jas shahmatshylardyń bıik belesterdi baǵyndyratynyna senetinin aıtty.
«Mundaı marapat jas shahmatshylarǵa da áser etedi. Meniń shahmat akademııamda myńdaǵan balalar bilim alyp júr. Qazirdiń ózinde olar maǵan messendjerlerde jáne áleýmettik jelilerde habarlamalar jiberip, meniń osyndaı quttyqtaý alǵanyma qýanyshty bolǵandaryn jazyp jatyr. Sondaı-aq jaqyn arada ózderi de sol sekildi úlken jetistikterge jetetinderin aıtady. Men olarǵa senemin», — dedi ol.
Bıyl 26-28 jeltoqsan aralyǵynda Almatyda shahmattan álem chempıonaty ótti. Oǵan Qytaı, Úndistan, Reseı men taǵy basqa elderdiń úzdik oıynshylary qatysty. Bul jarysta shahmattyń rapıd túrinen Dınara Sádýaqasova kúmis júldeger atandy.
Dáýren ERBOLAT
