SportPress.kz Qazaqstan sport jańalyqtary
Memleket basshysy Qasym-Jomart Toqaev Ulttyq sport túrleri qaýymdastyǵynyń prezıdenti Islambek Saljanovty qabyldady, dep habarlady Aqorda.
Qasym-Jomart Toqaevqa qaýymdastyqtyń byltyr atqarǵan jumystarynyń qorytyndysy men aldaǵy kezeńge arnalǵan jospary týraly baıandaldy.
Islambek Saljanovtyń aıtýynsha, kókpar, jamby atý, aýdaryspaq, teńge ilý, báıge, qusbegilik, dástúrli sadaq atý, toǵyzqumalaq jáne asyq atý sekildi ulttyq sport túrleriniń federaııalary qaýymdastyq aıasyna biriktirilgen.
Sonymen qatar ulttyq sporttyń damýyna saraptama jasalyp, jeke-jeke respýbıkalyq federaııalarmen ınstıtýıonaldyq turǵyda jumys júrgizile bastaǵan.
2024 jyly V Dúnıejúzilik kóshpendiler oıyndaryn ótkizýge bergen Qazaqstannyń ótinimin Búkilálemdik etnosport konfederaııasy biraýyzdan qoldady.
Kezdesýde Qasym-Jomart Toqaev 2024 jyly elimizde ótetin aýqymdy sharany sapaly ári joǵary deńgeıde uıymdastyrý jóninde naqty tapsyrmalar berdi, – delingen aqparatta.
Memleket basshysynyń aıtýynsha, V Dúnıejúzilik kóshpendiler oıyndary ulttyq sport sharalarymen shektelmeýi kerek. Atalǵan halyqaralyq sport saıysy qolóner, týrızm, qyzmet kórsetý salasy sııaqty shaǵyn jáne orta bıznes ókilderi úshin de tıimdi uıymdastyrylyp, kásipterin ilgerletýge jaǵdaı jasalýy qajet.
Sonymen qatar Qazaqstan prezıdenti ulttyq sport túrleriniń damý tujyrymdamasyn ázirleý qajet ekenin jáne at sporty oıyndaryndaǵy qaýipsizdik máselesin qarastyrýdy tapsyrdy.
Aıta keteıik, 2022 jyldyń qyrkúıeginen bastap qaýymdastyq jumysynda ózgerister boldy. Sport túrleri boıynsha Ulttyq qaýymdastyq quramynda buryn 5 federaııa bolǵan. Olar: kókpar, jamby atý, aýdaryspaq, teńge ilý, báıge federaııasy. Qazir bizge taǵy 4 federaııa qosyldy: dástúrli sadaq atý, toǵyzqumalaq, asyq atý jáne qusbegilik.
Sondaı-aq Ulttyq sport túrleri qaýymdastyǵynyń basshylyq quramynda ózgerister boldy. Ulttyq alty sport túri boıynsha respýblıkalyq federaııalardyń basshylary saılandy.
