Elimizde alǵash ret muzda júgirýden halyqaralyq jarys ótedi

19 aqpanda elimizde alǵash ret «Býrabaı» ulttyq saıabaǵynda Qazaqstan Respýblıkasy Prezıdentiniń Is basqarmasyna qarasty «Býrabaı-Damý» JShS, «Ekstremaldy Atletıka» qoǵamdyq birlestigi men «Rebel Running» JK-nyń uıymdastyrýymen muzda júgirýden «BURABAY ICE 2023» halyqaralyq jarys ótedi.

«Býrabaı-Damý» JShS bas dırektorynyń orynbasary Qasymjan Kenjeshovtyń aıtýynsha, jarystyń maqsaty – Býrabaıdyń ásem tabıǵatyn jurtshylyqqa nasıhattaı otyryp, týrısterdiń qyzyǵýshylyǵyn arttyrý, sondaı-aq salamatty ómir saltyn nasıhattaý.

Jarys birneshe qashyqtyqta, ıaǵnı 7 km, 14 km jəne 21,1 km júgirý nemese 7 km skandınavııalyq júris boıynsha ótedi. Oǵan kez kelgen jastaǵy sportshylar men jastar qatysa alady. Búginge deıin 200-den astam sportshy tirkeldi. Olardyń arasynda AQSh, Kanada, Afrıka, Eýropa elderiniń, О́zbekstan, Qyrǵyzstan, Mońǵolııa sportshylary men elimizdiń barlyq oblystarynyń sportshylary bar. Tirkeý áli jalǵasyp jatyr.

Jarys 19 aqpan kúni saǵat 10.00-de Býrabaı kólindegi qaıyq stanııasynda bastalady. Márege jetken sportshylardyń bári júldesiz qalmaı, marapattalady.

Dastan KENJALIN,

ASTANA