Taǵy birneshe aýyr atlet dopıng qoldanǵany úshin jarystan shettetildi

Elimizde aýyr atlet Igor Sonnan basqa taǵy birneshe sportshy dopıng qoldanǵany úshin jarystan shettetildi. Bul týraly Aýyr atletıka federaııasynyń bas hatshysy Aldııar Nuralınov aıtty.

Byltyr 23 jeltoqsanda Qazaqstan Ulttyq dopıngke qarsy ortalyǵynyń tártiptik komıssııasynyń kelesi sportshylardy shettetý týraly sheshimi shyqty, — dedi ol.

Onyń aıtýynsha, byltyr 9 aqpannan 2 naýryzyna deıin QazDQUO jarystan tys dopıng-baqylaý jasaǵanda ulttyq qurama komandanyń sportshylaryna aýyr atletıkadan testileý ótkizgende birneshe aýyr atletten dopıng-synama alynyp, ol oń nátıje kórsetken. Sonyń nátıjesinde Igor Sonnan basqa Matveı Makrýshın 2 jylǵa, Abylaı Áýelhanov, Iýlııa Potasova, Rýfına Chalkarova men Alekseı Drozdov tórt jylǵa jarystan shettetildi.

Bul dopıng-baqylaýdy elimizdiń dopıngke qarsy ortalyǵy jasady. Onyń nátıjeleri Aýyr atletıka federaııa men ulttyq quramanyń basqa músheleri úshin esh kesirin tıgizbeıdi. Alaıda, dopıng qoldanǵany úshin sheshimder WADA Kodeksine jáne Halyqaralyq aýyr atletıka federaııasynyń dopıngke qarsy erejelerine sáıkes qabyldanady. Iaǵnı, óz elimizde dopıngten ótpegen sportshylarymyzdyń halyqaralyq jarystarda jeńip alǵan júldeleri qaıtarylmaıdy, — dedi Aldııar Nuralınov.

Onyń aıtýynsha, elimizde dopıngke tekserý jumysy sportshylardy halyqaralyq jarystar aldynda densaýlyǵyn baqylaýda ustaý úshin jasalady.  Al eger sportshy úsh ret dopıngpen ustalsa, ol komandadan shettetiledi. Tártipke baǵynbaǵandar ulttyq quramadan alastatylady.

Dastan KENJALIN,

ASTANA