وزبەكستان بوكس فەدەراتسياسى الەم چەمپيوناتىنا قاتىستى مالىمدەمە جاسادى

وزبەكستان بوكس فەدەراتسياسى 30 ءساۋىر مەن 14 مامىرى ارالىعىندا تاشكەنت قالاسىندا وتەتىن بوكستان الەم چەمپيوناتى تۋرالى باق-تا تاراعان الىپ-قاشپا اڭگىمەگە، جاڭالىقتارعا قاتىستى مالىمدەمە جاسادى.

الەمدەگى قالىپتاسقان ساياسي جاعدايعا بايلانىستى كەيبىر ينتەرنەت رەسۋرستارى مەن الەۋمەتتىك جەلىلەردە 30 ءساۋىرى مەن 14 مامىرى ارالىعىندا تاشكەنتتە وتەتىن بوكستان الەم چەمپيوناتى تۋرالى بىرجاقتى اقپاراتتار تاراپ جاتىر.

الەم چەمپيوناتى  ەكى جىلدا ءبىر رەت وتەدى. ونى حالىقارالىق بوكس قاۋىمداستىعى (IBA) ۇيىمداستىرادى. وزبەكستان تاراپىنىڭ تۋرنيرگە قاتىسۋ ءۇشىن تىركەلگەن ەلدەردىڭ قاتىسۋىن نەمەسە قاتىسپاۋىن انىقتاۋ وكىلەتى جوق. وزبەكستان جارىستى وتكىزۋشى مەملەكەت بولىپ ونى ۇيىمداستىرۋ ماسەلەلەرىمەن عانا اينالىسادى.

چەمپيوناتقا قاتىساتىن قۇراما كوماندالاردى، سپورتشىلار مەن جاتتىقتىرۋشىلاردى، تورەشىلەردى تىركەۋدى IBA قاداعالايدى. وزبەكستان جارىستى وتكىزۋ قۇقىعىن جەڭىپ العان كەزدە ۇلتتىق قۇرامالاردىڭ نەمەسە سپورتشىلاردىڭ حالىقارالىق تۋرنيرلەرگە قاتىسۋىنا شەكتەۋلەر بولعان جوق، — دەلىنگەن مالىمدەمەدە.

سونداي-اق، بوكس فەدەراتسياسى وزبەكستاننىڭ حالىقارالىق سپورت نورمالارىن ۇستاناتىن جانە سپورتتىڭ ساياساتتان بولەك ءپرينتسيپىن قولدايتىن ەل ەكەنىن مالىمدەدى.

داستان كەنجالين،

استانا