Qytaıdaǵy qandastar Djekı Chanǵa shapan jaýyp, at mingizdi (VIDEO)

Qytaıdyń Shynjań-Uıǵyr avtonomııa ólkesi Ile Qazaq avtonomııaly oblysynyń Mońǵolkúre aýdanynda turatyn qandastarymyz «Oskar» syılyǵynyń ıegeri, álemge tanymal qytaılyq akter Djekı Chanǵa taqııa kıgizip, ústineshapan jaýyp, tulpar mingizdi, dep habarlady QazAqparat.

Weibo áleýmettik jelisinde taraǵan vıdeolardan tanymal akterdiń Shyńjańǵa sapary kezinde jergilikti turǵyndardyń ystyq yqylasyna bólengenin, sondaı-aq qazaq salt-dástúri boıynsha qurmetti qonaq retinde tulpardy syıǵa alǵanyn kórýge bolady.

Basyna qazaqy taqııa, ústine shapan kıip, qolyna qamshy ustaǵan Djekı Chan kópshilikke rızashylyǵyn bildirip, olarmen birge án saldy.

Aıta keteıik, Djekı Chan Shyńjańǵa osy jolǵy saparynda 2005 jyly jaryq kórgen «Mıf» kınosynyń jalǵasyn túsirgen.

Erkeǵalı BEISENOV,

ASTANA