Түркияда жанкүйерлер алаңдағы футболшыларға пышақ лақтырған (ВИДЕО)

Түркияда «Бурсаспор» клубының жанкүйерлері «Амедспор» командасының ойыншыларына пышақ лақтырған.

Бұл екі команда Түркия чемпионатының екінші дивизионында ойнайды. The Sun басылымының хабарлауынша, «Бурсаспордың» жанкүйерлері матч кезінде күрд халқына қарсы сөздер айтып, ойыншыларға неше түрлі заттар лақтырған. Соның ішінде пышақ та болған.

«Амедспор» — Түркияның Диарбекир қаласының командасы. Бұл қаланың негізгі тұрғындары — күрд халқы. Алаңда туындаған кіикілжіңнің басты себебі де осы болған деген дерек бар.

Осы жағдайға қарамастан, матч соңына дейін болды. Кездесуде алаң иелері 2:1 есебімен жеңіске жетті.

Дастан КЕНЖАЛИН,

АСТАНА

 

View this post on Instagram

 

A post shared by Amedspor Kulübü (@amedskofficial)