Túrkııada jankúıerler alańdaǵy fýtbolshylarǵa pyshaq laqtyrǵan (VIDEO)

Túrkııada «Býrsaspor» klýbynyń jankúıerleri «Amedspor» komandasynyń oıynshylaryna pyshaq laqtyrǵan.

Bul eki komanda Túrkııa chempıonatynyń ekinshi dıvızıonynda oınaıdy. The Sun basylymynyń habarlaýynsha, «Býrsaspordyń» jankúıerleri match kezinde kúrd halqyna qarsy sózder aıtyp, oıynshylarǵa neshe túrli zattar laqtyrǵan. Sonyń ishinde pyshaq ta bolǵan.

«Amedspor» — Túrkııanyń Dıarbekır qalasynyń komandasy. Bul qalanyń negizgi turǵyndary — kúrd halqy. Alańda týyndaǵan kiıkiljińniń basty sebebi de osy bolǵan degen derek bar.

Osy jaǵdaıǵa qaramastan, match sońyna deıin boldy. Kezdesýde alań ıeleri 2:1 esebimen jeńiske jetti.

Dastan KENJALIN,

ASTANA

 

View this post on Instagram

 

A post shared by Amedspor Kulübü (@amedskofficial)