تۇركيادا جانكۇيەرلەر الاڭداعى فۋتبولشىلارعا پىشاق لاقتىرعان (ۆيدەو)

تۇركيادا «بۋرساسپور» كلۋبىنىڭ جانكۇيەرلەرى «امەدسپور» كومانداسىنىڭ ويىنشىلارىنا پىشاق لاقتىرعان.

بۇل ەكى كوماندا تۇركيا چەمپيوناتىنىڭ ەكىنشى ديۆيزيونىندا وينايدى. The Sun باسىلىمىنىڭ حابارلاۋىنشا، «بۋرساسپوردىڭ» جانكۇيەرلەرى ماتچ كەزىندە كۇرد حالقىنا قارسى سوزدەر ايتىپ، ويىنشىلارعا نەشە ءتۇرلى زاتتار لاقتىرعان. سونىڭ ىشىندە پىشاق تا بولعان.

«امەدسپور» — تۇركيانىڭ دياربەكير قالاسىنىڭ كومانداسى. بۇل قالانىڭ نەگىزگى تۇرعىندارى — كۇرد حالقى. الاڭدا تۋىنداعان كىيكىلجىڭنىڭ باستى سەبەبى دە وسى بولعان دەگەن دەرەك بار.

وسى جاعدايعا قاراماستان، ماتچ سوڭىنا دەيىن بولدى. كەزدەسۋدە الاڭ يەلەرى 2:1 ەسەبىمەن جەڭىسكە جەتتى.

داستان كەنجالين،

استانا

 

View this post on Instagram

 

A post shared by Amedspor Kulübü (@amedskofficial)