Qazaqstan boksshylary jastar arasyndaǵy álem kýbogyna qatysady

Bokstan elimizdiń jastar qurama komandasy 14-19 naýryz aralyǵynda Chernogorııanyń Býdvada qalasynda ótetin «Adrıatıka injý-marjany» atty halyqaralyq týrnırge qatysady.

Halyqaralyq boks qaýymdastyǵynyń (IBA) habarlaýynsha, bul týrnır jastar arasynda álem kýbogy mártebesine ıe. Oǵan 2005-2006 jyldary týǵan jas jigitter men boıjetkender qatysady. Atap aıtqanda, erler 13, al qyzdar 12 salmaq dárejesinde kúsh synasady.

Týrnırde Kýba, Reseı, Brazılııa, Túrkııa jáne basqa da elderdiń boksshylary qolǵap túıistiredi. Bul jarys 23 sáýir men 4 mamyr aralyǵynda Armenııanyń astanasy – Erevan qalasynda ótetin Eýropa jastar chempıonatyna daıyndyq retinde ótedi.