قازاقستان دزيۋدوشىلارى ەۋروپا كۋبوگىندا التى جۇلدەنى يەلەندى

11-12 ناۋرىز ارالىعىندا حورۆاتيانىڭ زاگرەب قالاسىندا جاستار اراسىندا دزيۋدودان ەۋروپا كۋبوگى ءۇشىن تۋرنير ءوتتى.

تۋرنيردە قازاقستان كومانداسى مەدالدىك كەستەدە بەسىنشى ورىن الىپ، 2 التىن، 1 كۇمىس جانە 3 قولا مەدال جەڭىپ الدى.

زاگرەبتەگى تاتاميدە الەمنىڭ 35 ەلىنەن 800-دەن استام جاس دزيۋدوشىلار باق سىناستى.

قازاقستاننان ەرحان مارات (50 كگ) پەن سابينا يۋلداشەۆا (48 كگ) كۋبوكتىڭ يەگەرى اتانسا، ورالبەك بايزاق (55 كگ) ءتۋرنيردىڭ كۇمىس جۇلدەگەرى بولدى. قولا مەدال  نۇرسۇلتان ىسقاقوۆ (60 كگ)، ەدىل ەربول ۇلى (60 كگ) پەن دوسبول بالعابايعا (81 كگ) بۇيىردى.

داستان كەنجالين،

استانا