الماتىدا فۋتبول جانكۇيەرلەرى جاپپاي توبەلەسە كەتتى (ۆيدەو)

الماتىداعى ورتالىق ستاديوندا فۋتبول ماتچتارىنىڭ بىرىندە جانكۇيەرلەر اراسىندا توبەلەس بولعان. وقيعا ورنىنان تۇسىرىلگەن ۆيدەو Instagram-داعى Ruh_Ultras پاراقشاسىنا جاريالاندى.

بەينەجازبادان ءتارتىپ ساقشىلارىن دا كورۋگە بولادى. جازبانىڭ سيپاتتاماسىندا توبەلەستىڭ «قايرات» پەن «كاسپي» فۋتبول كلۋبتارى اراسىنداعى ماتچ كەزىندە بولعانى حابارلانعان.

وقيعاعا قاتىستى پوليتسەيلەر تۇسىنىك بەردى.

الماتى قالالىق پد ورتالىق ستاديوندا فۋتبول ويىنى كەزىندە ءتارتىپتى قامتاماسىز ەتۋ ماقساتىندا قىزمەت اتقارعان پوليتسەيلەردىڭ ادام كوپ جينالاتىن ورىنداردا پايدالانۋعا تىيىم سالىنعان فايەرلەردى جاعۋ دەرەكتەرىنىڭ جولىن كەسكەندىگىن حابارلايدى، — دەلىنگەن رەسمي حابارلامادا.

سونىمەن قاتار، ۆەدومستۆو قوعامدىق ءتارتىپتى ودان ءارى بۇزۋدىڭ الدىن الۋ ماقساتىندا جانكۇيەرلەرمەن قۇقىقتىق تۇسىندىرمە اڭگىمە جۇرگىزىلگەنىن جەتكىزدى.

ەركەعالي بەيسەنوۆ،

استانا

 

View this post on Instagram

 

A post shared by Ruh Ultras فاناتى فۋتبولنوگو كلۋبا كاسپي (@ruh_ultras)