SportPress.kz قازاقستان سپورت جاڭالىقتارى
مەملەكەت باسشىسى قاسىم-جومارت توقاەۆ استانا قالاسى شاحمات فەدەراتسياسىنىڭ قۇرمەتتى پرەزيدەنتى دينارا سادۋاقاسوۆامەن كەزدەستى.
پرەزيدەنت شاحماتتان ايەلدەر اراسىندا حالىقارالىق گروسسمەيستەر دينارا سادۋاقاسوۆامەن ەلىمىزدە شاحماتتى دامىتۋ جونىندە پىكىر الماستى.
مەملەكەت باسشىسىنا دينارا سادۋاقاسوۆا ەلىمىزدە شاحماتتىڭ تانىمالدىلىعىن ارتتىرۋ ءۇشىن اتقارىلىپ جاتقان جۇمىستار جانە بولاشاقتاعى جوسپارى تۋرالى ايتتى. ونىڭ ايتۋىنشا، بالالار اراسىندا شەبەرلىك ساعاتتارى مەن كۆاليفيكاتسيالىق تۋرنيرلەر ۇدايى ۇيىمداستىرىلىپ تۇرادى.
پرەزيدەنت دينارا سادۋاقاسوۆانى تاعى دا بىلتىر جىل سوڭىندا الماتىدا وتكەن الەم چەمپيوناتىندا شاحماتتىڭ راپيد تۇرىنەن كۇمىس مەدالدى جەڭىپ الۋىمەن قۇتتىقتاپ، شاحماتشىلارعا مەملەكەت تاراپىنان جان-جاقتى قولداۋ كورسەتىلەتىنىن اتاپ ءوتتى.
سونداي-اق قاسىم-جومارت توقاەۆ بەلگىلى شاحماتشىعا الداعى جارىستاردا ساتتىلىك تىلەدى.
اقوردا
فوتو: اقوردا
