تەننيستەن قازاقستان قۇراماسى العاش رەت الەم چەمپيوناتىنىڭ توپتىق كەزەڭىنە شىقتى

وسى كۇندەرى قازاقستان قۇراماسى شىمكەنت قالاسىندا 16 جاسقا دەيىنگىلەر اراسىندا ازيا – تىنىق مۇحيت ايماعى بويىنشا Juniors Davis Cup الەم چەمپيوناتى ىرىكتەۋ ءتۋرنيرىنىڭ شيرەك فينالىندا اۆستراليا قۇراماسىن 2:0 ەسەبىمەن ۇتتى.

اۆستراليا – 16 جاسقا دەيىنگىلەر اراسىندا الەم چەمپيوناتىن 6 رەت جەڭگەن كوماندا.

وسى ماتچتىڭ ەسەبىنەن كەيىن 16 جاسقا دەيىنگى قازاقستان قۇراماسى العاش رەت الەم چەمپيوناتىنىڭ توپتىق كەزەڭىنە شىقتى. ءبىر اپتا بۇرىن قىزدار قۇراماسى الەم چەمپيوناتىنا جولداما العان بولاتىن.

جاسوسپىرىمدەر اراسىندا بيللي دجين كينگ جانە دەۆيس كۋبوگىنىڭ فينالدىق سايىستارى كۇزدە يسپانيانىڭ كوردوبا قالاسىندا وتەدى.

داستان كەنجالين،

استانا