«Álem chempıonaty Qazaqstanda bolǵandaı»: О́zbekstandy qazaq jankúıerleri  tánti etti (VIDEO)

Bokstan Tashkentte eresekter arasynda ótken álem chempıonatynda О́zbekstan halqy Qazaqstannan boksshylardy qoldaǵan jankúıerlerge tánti boldy.

Naǵyz boks jankúıerleri Qazaqstannan keldi. Al bizden boksty, negizinen, stýdentter men memlekettik qyzmetkerler tamashalady. Qazaqtar aıǵaılaǵanda bizdikiler estilmeı qalady. Álem chempıonaty qaı elde ótip jatyr ózi?, — delingen  Instagram-daǵy bugun_sport  paraqshasy.

Tashkentte 1-14 mamyr aralyǵynda bokstan ótken álem chempıonatynda Qazaqstan ulttyq quramasy 4 altyn men 1 kúmis medal alyp, jalpykomandalyq esepte ekinshi oryndy ıelendi. Al alań ıesi – О́zbekstan komandasy 5 altyn, 2 kúmis, 2 qola medal aldy. Úshinshi orynǵa 2 altyn, 4 qola medal jeńip alǵan Reseı quramasy ıe boldy.

Mundaı jetistikke elimizdiń quramasy 2013 jyly Almatyda ótken álem chempıonatynan keıin ekinshi ret jetip otyr. Sol kezde de bas jattyqtyrýshysy Myrzaǵalı Aıtjanov bastaǵan ulttyq qurama 4 altyn, 2 kúmis jáne 2 qola medal jeńip alǵan bolatyn.

Bıylǵy chempıonatqa álem chempıonatyna jer-júziniń 104 elinen 13 salmaq dárejesi boıynsha 640 boksshy qatysty.

Budan buryn habarlaǵanymyzdaı, álemdik jarystyń kónine eki eselengen mólsherde syıaqy qoıyldy. Ol 5,2 mln AQSh dollary boldy. Chempıonatta altyn júldegerler 200 myń dollar alsa, kúmis medal ıegerine 100 myń dollar, qola júldegerge 50 myń dollar mólsherinde qarjy tapsyryldy.

Endi 2025 jyly ótetin álem chempıonatynyń júlde qory budan da eki ese bolady degen derek bar. Iaǵnı, júlde qory 10 mln AQSh dollary bolady.

Dastan KENJALIN,

ASTANA

 

View this post on Instagram

 

A post shared by Sport Yangiliklari (@bugun_sport)