Таразда да бокстан әлем чемпионарына пәтердің кілті табыс етілді

Таразда Өзбекстанда бокстан өткен әлем чемпионатының жүлдегерлері Асыланбек Шымбергенов пен Дулат Бекбауовқа құрмет көрсетілді.

Оларды Жамбыл облысының әкімі Нұржан Нұржігітов әлем чемпионатындағы жетістіктерімен құттықтады. Сондай-ақ ол боксшылардың жеке жаттықтырушылары — Қазақстанның еңбек сіңірген жаттықтырушысы Нұрлан Ақүрпеков пен жаттықтырушы Ермек Ертаевтың сіңірген еңбектерінің зор екенін айтып, құрмет көрсетті.

Кездесуде өңір басшысы боксшылардың ата-аналарына да алғыс айтып, әлем чемпионатының жүлдегері атанған перзенттеріне Тараз қаласынан пәтер берілетінін жеткізді

Осы жерде облыс әкім әлем чемпионы Асыланбек Шымбергеновке – үш бөлмелі, Дулат Бекбауовқа екі бөлмелі пәтерлердің кілттерін табыс етті. Одан кейін Шымбергеновтің жеке жаттықтырушысы Ермек Ертаевқа 5 млн теңгенің, Бекбауовтың жеке жаттықтырушысы Нұрлан Ақүрпековке 3 млн теңгенің сертификаттарын тапсырды.

Дастан КЕНЖАЛИН,

АСТАНА