• Қазақ
  •   
  • Qazaq
  •   
  • قازاق
  •   
  • Рус
  •   

    Taǵylymy zor tartymdy kezdesý

    Elimizdiń ár óńirinde 1 maýsym halyqaralyq balalardy qorǵaý kúnine oraı «Balalardyń ıgiligi úshin» atty respýblıkalyq akııa ótip jatqany belgili. Osy akııa aıasynda Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjinde bokstan Beıjiń Olımpıadasynyń qola júldegeri, kásipqoı boksshy, WBO orta salmaqtaǵy qurlyqaralyq chempıony, «Qurmet» ordeniniń ıegeri Qanat Islammen kezdesý bolyp ótti.

    «Búkil adamzattyń keleshegi — jas jetkinshekterdiń qandaı ıdeal negizinde tárbıelenip, qalaı ósýine, kelmeldenýine baılanysty», -degen eken Ǵabıt Músirepov. Endeshe, jas urpaqty  tulǵalar arqyly tárbıelýdiń mańyz zor. Bala balǵyn shaq kezinde bárine qumartady. Bárin birden bilgisi kelip talpynady. Ol árıne, zańdylyq. Qazaq «bolar balanyń betin qaqpa belin bý», — degen qanatty sóz qaldyrǵan.

    Daryndy balalar kópten erek ómirge qushtar, aınalasyna meırimdi, isine jaýapkerlshilikpen qaraýdy ádet etedi. Iá, onyń barlyǵy tárbıege baılanysty. Jastyq shaq adamǵa bir-aq ret beriledi. Sondyqtanda jas jetikinshektiń boıyna bilim nárin ege otyryp boıyndaǵy bar talantyn asha bilý ata-anaǵa ǵana emes, ósken orta men bilim ordalaryna tikeleı qatysty emes pe?!

    Osy baǵytta daryndy balalardy elekten elep alǵandaı bólip alyp oqytyp jatqan mamandandyrylǵan mektep-ınternattardyń tárbıesi erekshe dep aıtamyz. Mysaly, Almaty qalasyndaǵy Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjinde dáris alyp jatqan jasóspirim talantty balalar bilimmen sýsyndap sportpen shyǵyldanyp, tolaǵaı tabystarmen qýantyp keledi. Aıtalyq, osy mektepte oqıtyn jas býyn kóptegen iri halyqaralyq, álemdik, eýropalyq tipti, olımpıadalyq jarystarda júldeli oryndardan kórinip, el namysyn abyroımen qorǵap júr. Al, mektep qabyrǵasynda ustazdyq ujymnyń tyńǵylyqty jumystarynyń arqasynda bul mektepke kóptegen álem syndarynda topjarǵan qazaqtyń sport juldyzdary bas suǵyp, jastarmen jıi suhbat jasap, úlken ónege bolyp júr.

    Tulǵalar arqyly tárbıege aıtýly mektep úlken den qoıǵan. Sonyń jemisin de kórip jatyr. Aıtqan sózimizdiń dáleli, keshe ǵana Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjine aty áıgili bylǵary qolǵap sheberi Qanat Islam arnaıy shaqyrlyp, jas jetkinshekter tulǵaly sportshymen kezdesýden tamasha áser aldy. Tartymdy ótken kezdesý sońynda Karken Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat-kolledjindiń dırektory Ernar Talasbekuly qurmetti qonaqtyń altyn ýaqytyn bólip kelgeni úshin  ujymnyń atynan zor alǵysyn bildirdi.

    Negizi bul ótken kezdesý joǵaryda aıtyp ótkenimizdeı, 1 maýsym halyqaralyq balalardy qorǵaý kúnine oraı «Balalardyń ıgiligi úshin» atty respýblıkalyq akııaǵa oraı uıymdastyrylǵan edi. Aıtýly mektep-ınternat basshylyǵynyń osyndaı ıgilikti sharany ótkizýdegi basty maqsaty — salaýatty ómir saltyn nasıhattaý, balalardyń densaýlyǵyn nyǵaıtý.

    Kezdesý keshine sport mektep-ınternat-kolledjdiń ujymy men sportshylary qatysty. Jastarmen suhbat barysynda Qanat Islam óziniń ómiri jaıly, sportta jetken jetistikterimen bólisip, sportpen qatar bilimdi de alyp júrý kerek ekenin, sportpen tyńǵylyqty shuǵyldanyp, chempıon bolý úshin temirdeı tártipke baǵyný kerek, úlkenge qurmet, kishige izet kórsetý kerek ekenin de atap ótti. Áýesqoı jáne kásipqoı bokstyń aıyrmashylyqtary men jattyǵýlaryn da aıtty. Áńgimelesý erkin formatta bolǵandyqtan, jas sportshylar ataqty sportshymyzǵa ózderin tolǵandyrǵan túrli saýaldaryn qoıyp, olarǵa tushymdy jaýaptar aldy. Osyndaı kezdesýler uıymdastyrý arqyly sportshylarymyzdy patrıottyq sezimge, ultjandylyqqa, Otanyn súıýge, elimizdiń ataqty tulǵalary men sportshylardyń ómirlerimen tanysyp, ózderine qajetti maǵlumat alyp otyrady. Qadirmendi qonaqqa jas sportshylarymyz da óz ónerlerin kórsetip, án men bıden shashý shashty. Dinmuhammed Qonaev qorynan kelgen arnaıy ókil Bek Sraılov myrza qor atynan Qanat Islamǵa tós belgisin taǵyp, Dinmuhammed Qonaev atamyzdyń kitabyn syıǵa tartty.

    Kesh sońynda jas sportshylarymyz qonaqtarmen sýretke tústi. Osyndaı taǵylymy zor tartymdy kezdesýler aldaǵy ýaqytta da uıymdastyrý josparda bar eken. Iá, ózimizdiń attary aıshyqty sport ardagerlerimen jıi ótkizgen kezdesýler arqyly jastardyń sportqa degen qulshynysy arta túseri anyq. Sondyqtan da «Jas kúniń –óner izdeý, naq der shaǵyń» demekshi, jalyndy jas shaǵynda alǵan bilim, sport ómirinde tasqa jazylǵan jazýdaı boıda  qalyptasyp qalatyn bolǵandyqtan, altyn ýaqyttta bos ótkizbeı paıdaly ispen aınalysýdyń mańyzy zor.

     

    Aqyn ORDABAIULY,

    Erjigit IBRAGIMOV

    ALMATY

    Pikir jazý

    Your email address will not be published. Required fields are marked *

    *