Rybakına «Rolan Garros» týrnırin jeńispen bastady

Qazaqstannyń birinshi, álemniń tórtinshi raketkasy Elena Rybakına Franııanyń ashyq chempıonaty — «Rolan Garros» týrnıriniń ekinshi aınalymyna shyqty.

Rybakına alǵashqy aınalymda dúnıejúzilik reıtıngte 146-orynda turǵan chehııalyq 16 jastaǵy Brenda Frýhvırtovamen kezdesip, ony 6:4, 6:2 esebimen utty.

Birinshi partııada esep 3:3 bolǵan kezde chehııalyq sportshy breıkpen alǵa shyqqan edi. Biraq Rybakına onyń jeńiske degen jigerin kóp uzatpady.  Qazaqstandyq tennısshi taǵy bir breıkpen setti  6:4 esebimen aıaqtady.

Brenda Frýhvırtova ekinshi partııada da breık jasaǵanymen Rybakına tarazy basyn qaıta teńestirip, óz geımin de aldy. Esep -3:2. Sodan keıin ol matchty kezekti breıkpen túıindedi. Osylaısha ol ekinshi sette qarsylasyn  6:2 esebimen jeńdi.

Bul match bir saǵat 17 mınýtqa sozyldy. Kezdesýde Elena Rybakına 9 eıs jasap, 8 breık-poınttyń beseýin múlt jibergen joq. Endi ol ekinshi aınalymda Chehııanyń taǵy bir jas tennısshisi, bolashaǵynan zor úmit kúttirip júrgen sportshysy álemniń 50-raketkasy, 18 jastaǵy Lında Noskovamen kortqa shyǵady.

Al Aleksandr Býblık 3 saǵat 20 mınýtqa sozylǵan tartysty oıynda reıtıngte 129 orynda turǵan ıtalııandyq Djýlıo Zeppıerıge — 0:6, 6:4, 6:4, 3:6, 5:7 esebimen utyldy.

Dastan KENJALIN,

ASTANA