Abay CUP-ta «Abaı» mektebi top jardy (FOTO)

Astanada 1 maýsym – balalardy halyqaralyq qorǵaý kúni shaǵyn fýtboldan Abay CUP týrnıri ótti.

Elordadaǵy Abaı Qunanbaıuly atyndaǵy №87 mektep-gımnazııasynyń qoldaýymen ótken týrnırge 2012-2013 jyly týǵan balalardan quralǵan alty komanda qatysty. Bul jolǵy týrnırdiń erekshiligi, arnaıy chelenjden bastaldy. Iaǵnı, bir ýaqytta Astanadaǵy birneshe mektepte dál osyndaı týrnır bastaý aldy. Sondaı-aq, qatysýshy barlyq komandaǵa júldeler men medaldar úlestirildi.

Jarys aınalmaly júıede ótti. Erejege saı barlyq komanda bir-birimen ózara kezdesip, jeńimpazdy anyqtady.

Balalarymyzdyń deni saý bolýy úshin sportpen aınalysý kerek ekeni belgili. Sol maqsatta biz 1 maýsym – balalardy qorǵaý kúnine oraı fýtboldan qalalyq týrnır uıymdastyryp otyrmyz. Bul kún balalar úshin meıram. Sol sebepti de týrnırge qatysqan balalardyń barlyǵy júldege ıe bolady. Mundaı jarystar mektebimizde kóptep uıymdastyrylyp keledi, – deıdi mektep dırektory Aıgúl Qashaeva.

Týrnır qorytyndysy boıynsha eki toptan sýyrylyp shyqqan tórt komanda jartylaı fınalda kezdesip, fınalda qaı komandanyń oınaıtynyn anyqtady. Nátıjesinde fınalda Alash-2014 komandasyn 5:3 esebimen jeńgen Namys komandasynan jasaqtalǵan «Abaı» mektebi jeńimpaz atansa, úshinshi oryndy «Birlikten» 2:1 esebimen basym bolǵan «Qazǵarysh» mektebi túıindedi.

Bizge osyndaı týrnırler unaıdy. Sebebi, bul týrnır jeńiske jetýimizge, chempıon bolýymyzǵa motıvaııa beredi. Abay CUP týrnırin uıymdastyrýshylarǵa rahmet aıtamyn, – deıdi «Abaı» mektebiniń oqýshysy Zańǵar Ábdikerim.

Atalǵan týrnırde jekeleı komandalardan bólek, jekeleı oıynshylardyń da sheberligi eskerildi. «Eń úzdik qaqpashy» atalymy – Anýar Jaqanǵa (Namys), «Eń úzdik qaqpashy» – Jalǵas Serikke (Alash), «Eń úzdik qorǵaýshy» – Darhan Shakırge («Birlik»), «Eń úzdik shabýyl¬shy» – Álıhan Dáýletbekke («Qazǵarysh»), «Eń úzdik oıynshy» Mansur Amangeldige (Alash) buıyrdy.

 

Dastan KENJALIN,

FOTO: Ádilbek TÁÝEKELOV

ASTANA