Týrnır ardaqty azamatty eske alýǵa arnaldy

О́tken aptada Щýche qalasyndaǵy «Jaqsy» sport kesheninde tól kúresimizden jasóspirimder arasynda qazaq kúresinen Azııa federaııasynyń burynǵy prezıdenti, elimizdiń qurmetti sport qyzmetkeri, Qazaqstan Respýblıkasynyń Eńbek sińirgen jattyqtyrýshysy Marat Orazbaıuly Shámshinurovty eske alýǵa arnalǵan respýblıkalyq týrnır bolyp ótti, — dep habarlady Aqmola oblysy dene shynyqtyrý jáne sport basqarmasynyń baspasóz hatshysy Mahabbat Bolshına.

Jarysqa Atyraý, Jambyl, Qaraǵandy, Qyzylorda, Pavlodar, Soltústik Qazaqstan men Aqmola oblysynyń sportshylary qatysty.

Týrnırdi Býrabaı aýdanynyń ákimi Qanat Qaraýylov ashyp, palýandarǵa sáttilik tiledi.

Qazaq kúresinen Azııa federaııasynyń birinshi vıe-prezıdenti Vıktor Lım týrnır qonaqtary men qatysýshylaryn quttyqtap, birshama azamatty «Qazaq kúresin damytýǵa sińirgen eńbegi úshin» medaldarymen  birshama azamattardy marapattady. Ol Aqmola oblystyq máslıhatynyń depýtaty Nartaı Ysqaqov, Aqmola oblysy qazaq kúresi federaııasynyń prezıdenti Erbol Toqaev, Aqmola oblystyq týberkýlezge qarsy dıspanserdiń bas dárigeri, medıına ǵylymdarynyń doktory, professor Qasymjan Tashmetov pen Aqmola oblysy dene shynyqtyrý jáne sport basqarmasynyń basshysy  Nadejda Patıýtkınaǵa medaldar tapsyrdy. Osy sharada Aqmola oblysynyń ákimi Málik Myrzalın de ulttyq kúresimizdi damytýǵa úles qosyp jatqan azamattardy quttyqtady. Osydan keıin Dúnıejúzilik qazaq kúresi federaııasynyń «Qazaq kúresine qosqan úlesi úshin» alǵys haty Býrabaı aýdanynyń ákimi Qanat Qaraýylovqa da tabys etildi.

Marat Orazbaıulynyń dosy, Aqmola oblystyq máslıhatynyń depýtaty Nartaı Jumataıuly óz lebizin bildirdi.

Aqmola oblysy qazaq kúresi federaııasynyń prezıdenti Erbol Qaıratuly da týrnır qonaqtary men qatysýshylaryna óz tilegin bildirip, «Aqmola oblysyndaǵy qazaq kúresin damytýǵa úles qosqany úshin» alǵys hatyn «Jaqsy» sport bazasynyń dırektory Erjan Jetpisov pen Býrabaı mádenıet úıiniń dırektory Aısulý Jamantyqovaǵa tabys etti.

Týrnır Marat aǵamyzdyń týǵan-týystarynyń, dostarynyń jáne áriptesteriniń arqasynda ótti. Ony ulttyq sport túrimiz – qazaq kúresin damytý jáne dáripteý maqsatynda uıymdastyrdy.

Qazaq kúresinen Qazaqstan Respýblıkasynyń memlekettik jattyqtyrýshysy Jeńis Bıtkózov jarystyń bas tóreshisi boldy.

Jarysta 46 kılo salmaq dárejesinde altyn júldeni kókshetaýlyq Álıhan Orynbaı jeńip aldy. Ekinshi orynǵa ońtústik óńiri – Taraz qalasynyń palýany Baqnur Maıkon ıe boldy. Al úshinshi oryndy Býrabaıdyń týmasy Elnur Tileýbergenov pen Pavlodar qalasynyń sportshysy Aldııar Qıbash ıelendi. Kelesi 51 kg salmaq dárejesinde pavlodarlyq Qalym Qýanyshbek týrnırdiń jeńimpazy atandy. Ekinshi oryndy Ilııas Beıiskenov alsa, qola júldeni qaraǵandylyq Aıbar Bekperdınov pen Pavlodar qalasynan kelgen sportshy Ədil Aıdarǵazın bólisti. 57 kg salmaqta da Jandos Nurbek  altyn júldeni jeńip aldy. Kúmis júldeger bolyp Taraz qalasynyń palýany Aslan Jarmuhambet atandy. Al úshinshi oryndardy Soltústik óńirlerdiń palýandary Dıas Qojahmetov  pen Jandos Turǵynbek ıelendi. Kelesi 64 kg salmaqtaǵy sportshylar arasynda pavlodarlyq Shalqar Tileýǵalıev týrnırdiń bas júldesin əketti.  Qobylandy Zirgeldınov kúmis medaldi jeńip alsa, úshinshi oryndar tarazdyq Baqtııar Esirkep pen  Býrabaıdyń palýany Nursaıyn Jaqypbekovke buıyrdy. 72 kg salmaq dárejesinde myna sportshylar jeńimpaz ben júldeger atandy: I – Ernat Bolyshan (Qaraǵandy qalasy), II – Nurlan Qyrǵyzbek  (Taraz qalasy), III – Naýryzben Mamyt (Qyzylorda oblysy) jáne Elaman Sákenov (SQO). 81 kılo salmaqta Qyzylordadan kelgen Aıbergen Aldabergenniń baǵy janyp, altyn júldeni óz qorjynyna nyq saldy. Al kókshelik Maǵjan Qaırymdenovke az ǵana sáttilik jetpeı qalyp, ekinshi oryndy qanaǵat tutty. Qola medaldarǵa taǵy bir Býrabaıdyń sportshysy Altaır Úsenov  pen qaraǵandylyq Bektur Qolaýov Beknur ıe boldy. Asa aýyr salmaqta, Elýan Ospanov túıe palýan atanyp, qýantty. Kúmis júldeni Taraz qalasynan kelgen palýan Erdəýlet Aýdanbek oljalady. Qola medaldardy Soltústik Qazaqstan oblysynyń týmasy Danııal О́mirtaı men qaraǵandylyq Ańsar Amanbaev qanaǵat tutty. Barlyq jeńimpazdar men júldegerlerdi shyn júrekten quttyqtaımyz!!!

Sondaı-aq, ár túrli nomınaııalarda da marapattaýlar boldy. «Úzdik tóreshi» nomınaııasyna ulttyq sport túrlerinen sport mektebiniń qazaq kúresinen jattyqtyrýshysy, osy jarystyń bas hatshysy bolǵan Naıl Kovalev laıyq dep tanyldy. Al «Úzdik tehnıkasy úshin» nomınaııasynda 57 kılo salmaq dárejesinde birinshi oryndy jeńip alǵan palýan Jandos Nurbek taǵy bir marapatqa ıe boldy.

Osy týrnır jastar úshin óz ónerin resmı deńgeıde kórsetýge, óz kúshin tarazyǵa salyp, áli talaı ret kilem ortasynda kezdesetin qarsylastarynyń naqty kúsh-jigerine baǵa berý úshin úlken múmkindik boldy. Al tájirıbeli palýandarǵa keler bolsaq, olardyń maqsaty múldem basqa – óz qorjynyna taǵy bir jańa medal salý.