اننا دانيلينا الەمدىك رەيتينگىدە كوتەرىلدى

ايەلدەر تەننيسى قاۋىمداستىعى (WTA) جەكەلەي جانە جۇپتىق سىندا جاڭارتىلعان رەيتينگىنى جاريا ەتتى، دەپ حابارلادى قازاقستان تەننيس فەدەراتسياسى.

جەكەلەي سىندا قازاقستاننىڭ ءبىرىنشى راكەتكاسى ەلەنا رىباكينا 11-ورنىن ساقتاپ قالسا، يۋليا پۋتينتسەۆا 34-تەن 33-كە كوتەرىلدى. زارينا دياس 274-تەن بىردەن 246-عا جوعارىلاسا، جىبەك قۇلامباەۆا 306-دا قالدى.

وتكەن اپتادا يستبۋرن WTA 250 تۋرنيرىندە ۇزدىك شىققان قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا 9-دان 8-گە شىقتى. بۇل ونىڭ سپورتتىق جولىنداعى ەڭ ۇزدىك كورسەتكىشى بولىپ ەسەپتەلەدى.