SportPress.kz Қазақстан спорт жаңалықтары
Ақтөбе қаласында ұлттық спорт түрлерінен басталған V фестиваль көрігін тоғызқұмалақ шеберлері қыздыруда. Жарысқа Нұр-Сұлтан, Шымкент қалалары және еліміздің 12 облысынан барлығы 56 спортшы қатысуда. Бұл туралы Ұлттық спорт қауымдастығы хабарлады.
Тоғызқұмалақ бәсекесі Ақтөбе қаласындағы шахмат клубында ту көтерді. Фестивальға қатысушылар қатарында 2 республикалық еңбек сіңірген спорт шебері, 15 халықаралық дәрежедегі спорт шебері, 15 спорт шебері атағын иеленген тәжірибелі ойыншылар бар. Ойыншылар тоғызқұмалақтың классикалық түрінен бақ сынайды.
Жарыстың бас төрешісі – халықаралық дәрежедегі төреші Айнұр Жақапбаева. Жарыстың бас хатшысы – жоғары дәрежедегі ұлттық төреші Қабидолла Нұршин. Тоғызқұмалақ бәсекесі 25 қыркүйек күні аяқталады.
