Mbappe Messıdiń rekordyn jańartty

Fýtboldan Franııanyń ulttyq qurama komandasy men «Parı Sen-Jermen» klýbynyń shabýylshysy Kılıan Mbappe Chempıondar lıgasy toptyq kezeńiniń sońǵy matchynda Týrınniń «Iýventýs» komandasyna gol salyp, osy jarysta 40 goldyń avtory atanǵan argentınalyq Lıonel Messıdiń rekordyn jańartty. Ol jas aıyrmashylyǵy boıynsha Chempıondar lıgasynda 40 dop soqqan eń jas fýtbolshy atandy.

Mbappe parıjdikter sapynda 13-mınýtta gol saldy. Osy oıyn kezinde Kılıanǵa 23 jas, 10 aı, 13 kún bolǵan. Argentınalyqtyń jasy 24 jas, 4 aı, 8 kún bolǵanda osynshama gol salǵan fýtbolshy retinde rekord jasaǵan.

Bul kezdesýde parıjdikter qarsylastaryn 2:1 esebimen utty.

Buǵan deıin Lıonel Messı Chempıondar lıgasy týrnıriniń úshinshi týrynda Portýgalııanyń «Benfıka» komandasyna gol salyp, óziniń rekordyn jańartqan bolatyn. Portýgalııanyń shabýylshy Krıshtıaný Ronaldý da Chempıondar lıgasynda 38 ret qaqpany dál kózdep otyr.

Dastan KENJALIN,

ASTANA