Messı men Býskets «Inter Maıamıge» tanystyryldy (VIDEO)

AQSh-tyń Maıamı shtatynda argentınalyq shabýylshy Lıonel Messıdi «Inter Maıamı» fýtbol klýbynyń jańa oıynshysy retinde tanystyrý rásiminde daýyl soǵyp, keshigip bastaldy.

Sports.es-tiń málimetine qaraǵanda, is-shara qatty daýyldyń kesirinen eki saǵatqa keshikti. Fýtbolshyny tanystyrýǵa bıletter tolyqtaı satylǵanymen, trıbýnanyń biraz jeri bos boldy. О́ıtkeni, daýyldyń kesirinen kóptegen jankúıer oryndaryn tastap ketip qalǵan bolatyn.

Degenmen daýyl basylǵan soń, Messıdi jankúıerlerge tanystyrý rásimi qalyptasqan dástúr boıynsha ótti. Klýbtyń teń qojaıyny Anglııanyń ataqty eks-fýtbolshysy Devıd Bekhem halyq aldynda álemdegi úzdik oıynshysy komanda qataryna alǵanyna qýanyshty ekenin, «Inter Maıamıge» jer-júzindegi myqty fýtbolshylardy alýdy burynnan beri armandap kelgenin atap ótti.

Men 10 jyl buryn Maıamıde jańa komanda qurýdy endi bastaǵan kezimde, osy tańǵajaıyp qalaǵa álemdegi eń uly oıynshylardy ákelýdi armandaǵan edim. Olar AQSh-taǵy fýtboldy damytýǵa kómektesedi dep sanaıtynmyn. Búgin bul arman oryndaldy. Men Leo sııaqty oıynshynyń bizdiń klýbqa qosylǵanyn maqtan tutamyn. Sonymen birge bizdiń «Inter Maıamı» qaýymdastyǵyna qosylǵan jaqsy dosymdy, tańǵajaıyp adamdy jáne onyń otbasyn qarsy alǵanyma qýanyshtymyn, –  dedi Bekhem.

Rásimde amerıkalyq klýb transferdi resmı túrde rastady. Messı bul klýbqa erkin agent retinde aýysty. Ol AQSh komandasynda 10 nomermen óner kórsetedi.

Sonymen birge «Inter Maıamı» fýtbol klýby Ispanııanyń jartylaı qorǵaýshy Serhıo Býsketspen kelisimshart jasasty.

Onymen kelisimshart 2025 jylǵa deıin jasalǵan.

Býsketstiń jasy 34-te. Ol 2005 jyldan beri «Barselona» klýbynda oınady. Byltyr Býskets katalonııalyq klýbpen jańa kelisimshart jasasýdan bas tartty.

Endi kelesi maýsymda Lıonel Messı men Serhıo Býskets pen bir klýbta oınaıdy.

 

Dastan KENJALIN,

ASTANA

 

«Vamos a disfrutar mucho, la vamos a pasar bien y van a pasar cosas lindas.» — Leo Messi pic.twitter.com/zEhzbnugXG

— Inter Miami CF (@InterMiamiCF) July 17, 2023

Bienvenido a nuestra familia💗🖤 pic.twitter.com/k7VOSGo1lv

— Inter Miami CF (@InterMiamiCF) July 17, 2023

 

Llegó nuestro 5️⃣ pic.twitter.com/cyvZAqX80g

— Inter Miami CF (@InterMiamiCF) July 17, 2023

La PresentaSÍon by Royal Caribbean https://t.co/65qgCXyLiK

— Inter Miami CF (@InterMiamiCF) July 17, 2023