SportPress.kz قازاقستان سپورت جاڭالىقتارى
بەلگىلى فايتەر جالعاس جۇماعۇلوۆ Rukh كلۋبىنا قوسىلدى. بۇل تۋرالى قازاقستان بوكس فەدەراتسياسىنىڭ پەرزيدەنتى، مەتسەنات كەڭەس راقىشەۆ ايتتى.
ءبىزدىڭ Rukh اتتى كلۋبىمىزعا UFC-ءتىڭ تاعى ءبىر جاۋىنگەرى قوسىلدى. سىزدەرگە قازاق باتىرى جالعاس جۇماعۇلوۆتى ەرەكشە تانىستىرۋدىڭ قاجەتى جوق: كوپشىلىكتىڭ سۇيىكتىسى، اشىق مىنەزدى جانە شىنايى جىگىت جالعاس كەرەمەت جەكپە-جەكتەر مەن ادەمى جەڭىستەردى كورسەتۋ مۇمكىندىگىن اسىعا كۇتۋدە. دامير ىسماعۇلوۆ، جانىبەك ءالىمحان ۇلى مەن سادريددين احمەدوۆ سياقتى جاۋىنگەرلەر قوسىلعان كلۋبىمىزدا وعان ساتتىلىك تىلەپ قويايىق، — دەپ جازدى ول الەۋمەتتىك جەلىدە.
جالعاس جۇماعۇلوۆ بيىل UFC-دەن شىعارىلعان بولاتىن. ول UFC-دە ءبىر رەت جەڭىسكە جەتىپ، التى رەت جەڭىلدى. سوڭعى جەكپە-جەگىندە دجوشۋا ۆانۋدان جەڭىلىپ قالدى.
داستان كەنجالين،
استانا
