Matchqa 100 paıyz daıynbyz! — Ashat Taǵybergen

Qazaqstan men Fınlıandııa komandalarynyń matchy aldynda ulttyq quramanyń bas jattyqtyrýshysy Magomed Adıev, komandanyń oıynshylary Ashat Taǵybergen men Bahtıer Zaınýtdınov oıynǵa 100 paıyz daıyn ekenderin aıtty.

Biz matchqa 100 paıyzǵa daıynbyz. Jankúıerlerimizdi jeńispen qýantqymyz keledi. Biz buǵan deıin de oınadyq. Endi Qazaqstan quramasynyń jankúıerlerin taǵy da qýantamyz dep úmittenemiz.

Árıne, oıynǵa biz daıynbyz. Ertegi atanǵan Danııamen oıynnan keıin taǵy da jeńiske jetemiz dep senemiz. Buryn Fınlıandııany jeńgen joqpyz ba? Dál osyndaı jaǵdaı Danııamen de boldy.

Biz jankúıerler úshin, halqymyz úshin oınaımyz.  Erteń bizge senetin jáne bizden jeńis kútetin barlyq jankúıerlerdi kútemiz!

Biz bıylǵa deıin Danııany da jeńbegen edik.  Al bıyl Danııa quramasyn jeńdik. Sondyqtan erteńgi matchta Fınlıandııany utýǵa tyrysamyz, – dedi komanda kapıtany Ashat Taǵybergen.

Al Bahtıer Zaınýtdınov elimizge kelip, ulttyq quramaǵa qosylǵanyna qýanyshty ekenin atap ótti.

Jaqsy kóńil-kúıdemiz. Men barlyq jigitterdi saǵyndym. Qazaqstandy saǵyndym. Erteńgi oıynǵa daıyndalyp jatyrmyz.  Bizdi erteń tamasha kesh kútip tur.  Biz ony asyǵa kútip júrmiz.

Fınlıandııa úsh kúnnen beri jasandy tósenishte jattyǵyp jatyr. Olar alańǵa úırenip alǵan.

Eń bastysy, bizge jeńis kerek. Oıynda komanda quramynda kimniń gol salǵany mańyzdy emes. Bizge jeńiske jetý mańyzdy, – dedi ol.

Sondaı-aq ol Túrkııanyń «Beshıktash» klýbyna qatysty suraqqa jaýap berip, azdap qymbat baǵaǵa satylyp ketkenin jasyrmady.

SKA meni azdap qymbat baǵaǵa satty. Men muny kútpep edim, — dedi fýtbolshy.

Ulttyq quramanyń bas jattyqtyrýshysy jańa fýtbolshylardyń shaqyrylǵanyn, osy jigitter ujymǵa tez sińisip, komandalastaryna úlken qoldaý bolatynyna senim bildirdi.

Erteń – 7 qyrkúıekte Astanada keshki saǵat 20:00-de 2024 jylǵy Eýropa chempıonatynyń irikteý týrnıri aıasynda Qazaqstan men Fınlıandııa ulttyq quramalarynyń matchy bastalady.

Dastan KENJALIN,

FOTO: Jandos SARDENOV,

ASTANA