SportPress.kz قازاقستان سپورت جاڭالىقتارى
قىتايدا سۋ دوبىنان وتەتىن ازيا ويىندارىندا قازاقستان ەرلەر قۇراماسىنىڭ قارسىلاستارى انىقتالدى.
تۋرنير 25 قىركۇيەك – 8 قازان ارالىعىندا حانچجوۋ قالاسىندا وتەدى.
ۇلتتىق قۇراما 2-7 قازان ارالىعىندا ونەر كورسەتەدى. جارىسقا كەلگەن بارلىعى 8 قۇراما ەكى توپتا وينايدى.
قازاقستان قۇراماسى ۆ توبىندا سىنعا تۇسەدى. ولار الدىمەن 2 قازاندا گونكونگ كومانداسىمەن، 3 قازاندا جاپونيانىڭ ۆاتەرپولشىلارىمەن، 4 قازاندا سينگاپۋر قۇراماسىمەن وينايدى.
ودان كەيىن 5 قازاندا شيرەك فينال، 6 قازاندا جارتىلاي فينال بولادى. ال 7 قازاندا قولا مەدال ءۇشىن ماتچ فينال وتەدى.
جارىستا 2024 جىلعى پاريج وليمپياداسىنا جولدامالار ساراپقا سالىنادى.
سۋ دوبىنان ەلىمىزدىڭ ەرلەر قۇراماسى ازيا ويىندارىنا 1994 جىلدان بەرى قاتىسىپ كەلەدى. 2006 جىلى قولا جۇلدەگەر بولسا، قالعان ويىنداردا چەمپيون اتانعان.
داستان كەنجالين،
استانا
