ازياداعا قاتىسقان سپورتشىلاردىڭ العاشقى لەگى ەلگە كەلدى

الماتى حالىقارالىق اۋەجايىنا  حانچجوۋداعى جازعى ازيا ويىندارىنا قاتىسقان 50-دەن استام سپورتشى ۇشىپ كەلدى.

ولاردىڭ اراسىندا ازيا ويىندارىندا بەسسايىستان العاش رەت وليمپيادا ليتسەنزياسىن جەڭىپ العان ەلەنا پوتاپەنكو مەن گەورگي بورودا-دۋدوچكين بار.

ازىرشە ازيادادا ءتورت كۇننىڭ ناتيجەسى بويىنشا ەلىمىزدىڭ سپورتشىلارى 2 كۇمىس، 7 قولا جۇلدە الدى.

حانچجوۋدا ءوتىپ جاتقان جازعى ازيا ويىندارى 8 قازانعا دەيىن جالعاسادى.

ال كەشە ازيا ويىندارىندا قازاقستان قۇراماسىنىڭ قورجىنى 1 كۇمىس، 3 قولا مەدالمەن تولىقتى.

قۇرامىندا باقتيار ىبىراەۆ، اندرەي حۋدياكوۆ مەن اسادبەك نازىرقۇلوۆ بار قازاقستان كومانداسى 10 مەتردەن نىسانا كوزدەۋدەن ازيا ويىندارىنىڭ كۇمىس جۇلدەسىن جەڭىپ الدى.

ارالاس ساناتتاعى پنەۆماتيكالىق مىلتىقتان 10 مەتردەن نىسانا كوزدەۋ جارىسىندا يسلام ساتباەۆ پەن الەكساندرا لە جۇبى ءۇشىنشى ورىن يەلەندى.

دزيۋدوشى نۇرلىحان شارحان 100 كەلىگە دەيىنگى سالماق دارەجەسىندە ازيادانىڭ قولا مەدالىن جەڭىپ الدى. ول وڭتۇستىك كورەيادان كەلگەن قارسىلاسى دجونحۋن ۆوندى يپپون ادىسىمەن ۇتتى.

سەمسەرلەسۋ سپورتىنان سىنعا تۇسكەن ەلمير ءالىمجانوۆ ازيا ويىندارىنىڭ قولا جۇلدەسىن يەلەندى. ول وسىمەن ازياداعا ءتورتىنشى رەت قاتىسىپ، العاش رەت مەدال الدى.

سابىرحان ماحمۇد ازيا ويىندارىن سەنىمدى باستادى. بوكسشى العاشقى جەكپە-جەگىندە وڭتۇستىك كورەيا وكىلى لي يە چاندى 5:0 ەسەبىمەن جەڭدى.

دەنيس ەۆسەەۆ ۇلكەن تەننيستەن ءۇشىنشى اينالىمدا تايپەي سپورتشىسىن 2:1 ەسەبىمەن باسىم ءتۇستى.

تۋريزم جانە سپورت مينيسترلىگى

فوتو: تۋريزم جانە سپورت مينيسترلىگى