Dúnıejúzilik jaýyngerlik óner oıyndary bastaldy

Búgin Saýd Arabııasy Koroldiginiń astanasy – Ar-Rııadta Dúnıejúzilik jaýyngerlik óner oıyndarynyń resmı ashylýy ótti, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Green Halls kesheninde ótken aýqymdy is-sharada 80-nen astam memlekettiń ókilderine túrli qoıylymdar, jekpe-jek túrleriniń ereksheligi jaıly kórinister usynyldy.

Elimizde jekpe-jek túrleri tıisti deńgeıde damyp jatyr. Onyń ústine halyqtyń basym bóligi atalǵan sportty turaqty baqylap otyrady. Boks, dzıýdo, karate, kıkboksıng pen armrestlıngten iri jarystarda ulttyq quramamyz úzdik ondyqta júredi. Saýd Arabııasyndaǵy bul keshendi jarysqa delegaııa jaqsy daıyndyqpen keldi. Keı sport túrlerinen álem chempıonatymen qatar kelgenine qaramastan, jarysqa qabiletti komanda jasaqtadyq, – dedi TSM Sport jáne dene shynyqtyrý isteri komıtetiniń mamany Kelbet Nurǵazına.

Bul oıyndarǵa Qazaqstan sporttyń 9 túrinen 53 atletten delegaııa jasaqtap alyp keldi. Aldaǵy kúnderi alǵashqy júlde jıyntyǵyn samboshylar sarapqa salady. Qazir bozkilem sheberleri salmaq ólshep, erteńgi júlde jolyndaǵy jekpe-jekterine daıyndalyp jatyr.

Álem chempıonatyna az ýaqyt qaldy. Soǵan qaramastan osynda kóptegen salmaqta myqty sportshylardy alyp keldik. Erler men áıelder úshin de jerebe joldas bolǵan joq. Degenmen jaqsy nátıje kórsetýge shama-sharqymyz jetedi. Atap aıtar bolsam, jaýyngerlik samboda Ádilbek Seıisov (64 kg), Asqar Abdolla (98 kg), al sporttyq samboda Saǵynysh Álipbaı (71 kg), Temirlan Kólbaı elge júldemen oralady degen senimdemiz, – dedi sambodan ulttyq quramanyń bas jattyqtyrýshysy Birjan Imahanov Sportty damytý dırekııasynyń baspasóz qyzmetine bergen suhbatynda.

Jalpy Ar-Rııadtaǵy oıyndar baǵdarlamasynda 16 sport túri bar. Onyń ishinde dzıýdo, taekvondo, kúres, semserlesý men boks Olımpıada baǵdarlamasyna kiredi. Sondaı-aq aıkıdo, armrestlıng, djıý-djıtsý, karate, kendo, kıkboksıng, taı boksy (mýaı-taı), sambo, savat (franýz boksy), sýmo men ýshý bar.

Bul keshendi jarystyń (World Combat Games) tarıhy 2010 jyldan bastaý alady. Alǵash ret Qytaıdyń astanasy – Beıjińde 27 tamyz ben 4 qyrkúıek aralyǵynda ótken oıyndarda sporttyń 13 túrinen úzdikter anyqtalǵan. Qazaqstan delegaııasy 9 sport túrinen 45 atlet aparyp, 1 altyn, 2 kúmis, 3 qola medalge ıe bolǵan. Sol kezde altyn medaldi  Erlan Tileýimbetov (69 kg, djıý-djıtsý), kúmis júldeni Nurlan Tileýimbetov (77 kg, djıý-djıtsý), Arman Sanserbın (68 kg, sambo) men Arman Shylmanov (+80 kg, taekvondo), qola medaldi Azamat Nurpeıisov (75 kg, kıkboksıng (fýlkontakt), Nurbolat Seńgirov (82 kg, mýaıtaı) pen Jumageldi Jetpisbaev (70 kg, pankratıon) jeńip aldy.

Odan keıin araǵa úsh jyl salyp kelesi oıyndar Reseıdiń Sankt-Peterbýrg qalasynda boldy. Onda sporttyń 15  túrinen 135 júlde jıyntyǵynyń ıegerleri anyqtaldy. Elden barǵan 5 sport túrinen 20 jekpe-jek sheberi eki qola júldeni ıelendi. Bul júldege Tileýǵabyl Amantórıev (62 kg, djıý-djıtsý) pen Janserik Ámirjanov (67 kg, mýaıtaı) ıe boldy.

Sosyn birshama ýaqyt boıy kezekti dodany uıymdastyrýdyń reti túspedi. Jan-jaqty kelissózderden keıin Taıbeıge sol múmkindik berilgenimen, ol da keıinge shegerildi. Al IV báseke 2021 jyly Qazaqstannyń bas qalasy Astanada ótýge tıis bolǵan. Alaıda koronavırýs pandemııasyna baılanysty álem atletteri bul synda baq synaı alǵan joq.

Besinshi jarysty uıymdastyrýdy bıyl Saýd Arabııasynyń Koroldigi óz moınyna aldy.

Osy ýaqytqa deıin dúnıejúzilik jaýyngerlik óner oıyndarynda 77 memlekettiń sportshysy júlde alǵan. Qazaqstan jalpy esepte 1 altyn, 3 kúmis jáne 5 qola medalmen 37-oryndy Gonkong jáne Serbııamen bólisip tur.

FOTO: Týrızm jáne sport mınıstrligi Sportty damytý dırekııasynyń baspasóz qyzmeti