فۋتبولدا الاڭنان ۋاقىتشا قۋ جازاسى پايدا بولادى (ۆيدەو)

الداعى كەزدە كاسىپقوي فۋتبول ەرەجەسىندە فۋتبولشىنى الاڭدا ۋاقىتشا قۋ جازاسى پايدا بولادى، دەپ حابارلادى The Telegraph.

بريتانيالىق باسىلىمنىڭ حابارلاۋىنشا،  فۋتبول قاۋىمداستىقتارىنىڭ حالىقارالىق كەڭەسى ۋاقىتشا شەكتەۋدى ەنگىزۋگە دايىن ەكەنىن مالىمدەدى. بۇل جاڭا ەرەجە كەلەسى جىلدان باستاپ ەنگىزىلۋى مۇمكىن.

IFAB قىزىل قاعاز كورسەتۋگە جەتكىلىكسىز، بىراق قاتارداعى ەسكەرتۋ ءۇشىن وتە اۋىر كەلەتىن ءتارتىپ بۇزۋشىلىق ءۇشىن فۋتبولشىنى 10 مينۋت ۋاقىتقا شەتتەيتىن بولادى، — دەلىنگەن حابارلامادا.

بۇعان دجوردجو كەلليني مەن بۋكايو ساكا اراسىنداعى ەۋرو-2020 ماتچىندا بولعان سەبەپ بولدى.

ول كەزدە يتاليا قۇراماسىنىڭ قورعاۋشىسى انگليا كومانداسىنىڭ ويىنشىسىنا قاپتالمەن جۇگىرىپ وتۋگە كەدەرگى جاساپ، جەيدەسىنەن تارتىپ، جەرگە قۇلاتقان بولاتىن.

بۇل جازا قويۋ سارى ءتۇستى ەسكەرتۋ قاعازىنىڭ بالاماسى بولادى. ەندى تورەشىمەن كەلىسپەگەن فۋتبولشىعا دا وسىنداي جازا قولدانىلۋى مۇمكىن.

داستان كەنجالين،

استانا