Bıyl Shyǵys Qazaqstan oblysyna 280 myńnan astam týrıst keldi

Týrızm jáne sport mınıstri Ermek Marjyqpaev Shyǵys Qazaqstan oblysynyń turǵyndarymen eseptik kezdesý ótkizdi. Alqaly jıynǵa óńir azamattary, qoǵam belsendileri, BAQ ókilderi, óńirlik sport federaııalarynyń basshylary, týrızm salasynyń kásipkerleri, sportshylar qatysty, dep habarlady vedomstvo.

О́ńir turǵyndarymen kezdesýde Ermek Marjyqpaev mınıstrliktiń bıylǵy jumysy, týrızm jáne sport salasynda júrgizilip jatqan reformalar jáne aldaǵy josparlary týraly baıandady.

2025 jylǵa deıin elimizde memlekettik-jekeshelik áriptestik aıasynda 113 jańa sport nysany salynyp, qoldanystaǵy 26 nysan qaıta jańartylady. Máselen, bıyl Shyǵys Qazaqstan oblysyndaǵy Ulan aýdanynyń Aıyrtaý aýylynda sport modýliniń qurylysy aıaqtaldy, sondaı-aq Altaı qalasy men Altaı aýdanynyń Jańa Buqtyrma kentinde, Kúrshim (Kúrshim aýdany), Úlken Narym (Qatonqaraǵaı aýdany) jáne Beloýsovka (Glýbokoe aýdany) aýyldarynda stadıondardy qaıta jańǵyrtý úshin jobalaý-smetalyq qujattamany daıyndaý jumystary júrgizilip jatyr.

Mınıstr elimizdiń barlyq óńirinde sport nysandaryn aýqymdy túgendeý jumystary júrgizilgenin atap ótti. Júrgizilgen jumystyń nátıjesinde sporttyq ınfraqurylymǵa asa muqtaj óńirlerdiń, atap aıtqanda aýyldyq jerlerdiń tizbesi aıqyndalady. Túgendeý qorytyndysy boıynsha ShQO-da 1859 nysannyń 10 paıyzy nemese 186 obektiniń qajetti parametrlerge sáıkes emes ekeni anyqtaldy.

Elimiz táýelsizdik alǵaly Shyǵys Qazaqstan oblysynyń 40 týmasy Olımpıadaǵa qatysty. Bul shyǵys óńiriniń sporttyq áleýeti jaqsy ekenin kórsetip tur. Qytaıda ótken Azıada qorytyndysy boıynsha jergilikti sportshylar semserlesý, baıdarka jáne kanoeda eskek esý, esý slalomy boıynsha júldegerler qatarynan kóringenimen, 2023 jylǵy Azııa oıyndarynda alǵash ret ShQO atletteri altyn medalsiz qaldy. О́kinishke qaraı, sportshylarymyzdyń ónerin jalpy qarastyrar bolsaq, olardyń ónerine kóńilimiz tolmaıtynyn, ásirese boks, aýyr atletıka, erkin jáne grek-rım kúresi jáne basqalary boıynsha laıyqty nátıje kórsete alǵan joq, — dep sózin túıindedi Ermek Marjyqpaev.

Jyl sońyna deıin Shyǵys Qazaqstan oblysynda 7 ınvestıııalyq joba josparlanǵan, onyń úsheýi júzege asyrylyp úlgerdi. 2023 jyly О́skemen qalasynda halyqaralyq dárejedegi «Best Western Plus» tórt juldyzdy qonaq úıiniń, «Muztaý» eko-qonaq úıi, 3 qonaq úıdiń qurylysy aıaqtaldy, sonymen qatar Qatonqaraǵaı aýdanyndaǵy «Topqaıyń» bazasy keńeıtildi. Bıyl О́skemen qalasynda «Dıamant» qonaq úıiniń jáne Kúrshim aýdanynda aýyr júk tasymaldaıtyn kólikterge arnalǵan jol boıyndaǵy qonaq úı qurylysy aıaqtalady. 2024 jyly Buqtyrma sý qoımasynyń jaǵasynda «Shale la Bale» demalys ornynyń qurylysy aıaqtalady dep josparlanǵan.

Mınıstr qazirgi tańda Shyǵys Qazaqstan oblysynyń týrıstik áleýeti tolyq ashylmaǵanyn atap ótti: «Oblystaryńyz tabıǵat resýrstarynyń biregeıligimen, landshaftardyń ár alýandyǵymen jáne baı tarıhı muramen erekshelenedi. Munyń bári týrızmniń barlyq túrin damytýǵa qolaıly jaǵdaı jasaıdy. IýNESKO tizimine engen Qatonqaraǵaı ulttyq tabıǵı parki álemdik sanattaǵy kórneki jer sanalady. Áleýeti úlken ekenin aıta ketý kerek, bizge ony tolyqtaı paıdalaný qajet. Sebebi bul aımaq otandyq qana emes, sheteldik týrısterdi tartatyn ortalyqtyń birine aınalýǵa tıis, — dedi Ermek Marjyqpaev.

Bıylǵy jyldyń 9 aıynda Shyǵys Qazaqstanǵa 281,2 myń jergilikti týrıst kelgen, 2022 jyldyń osy kezeńimen salystyrǵandaǵy ósim – 13,7%. Sheteldik saıahatshylar sany 14,7 myń adamdy quraǵan, bul ótken jyldyń osy kezeńimen salystyrǵanda 16,7%-ke kóp.

Mınıstr esep bergennen keıin azamattardy jeke qabyldap, olardyń suraqtaryna jaýap berip, máseleleri men usynystaryn tyńdady.