SportPress.kz Qazaqstan sport jańalyqtary
15 jeltoqsanda Astanada alǵash ret Halyqaralyq boks federaııasynyń uıymdastyrýymen «Chempıondar túni IBA» — «Astana Arlans» týrnıri bolady, dep habarlady Qazaqstan boks federaııasy.
Keshte Qazaqstan jáne sheteldiń boksshylary jekpe-jekke shyǵady. 8 jekpe-jek 6 raýndtan bolady. Ár raýndta bylǵary qolǵap ıeleri 3 mınýttan bokstasady.
Keshtiń basty jekpe-jeginde 71 keli salmaqta Brazılııanyń Rıo-de-Janeıro qalasynda ótken Olımpıadanyń chempıony, 2013 jylǵy álem chempıony Danııar Eleýsinov (11-0, KO 6) Ońtústik Afrıka Respýblıkasynyń ókili Djabýlanı Makhensemen (14-2, KO 7) qolǵap túıistiredi.
Eleýsinov buǵan deıin 2015 jyly sharshy rıngke shyqqan edi. Al Makhense alǵash ret syrt jerde aıqas ótkizedi. Al basty jekpe-jektiń aldynda 80 kelide 2019 jylǵy álem chempıony jáne Tokıo Olımpıadacynyń qatysqan boksshymyz Bekzat Nurdáýletov (6-0, 2 KO) áli jeńilip kórmegen Reseı sportshysy Nıkıta Zonmen (7-0-1, KO 5) bokstasady.
67 kg salmaqta 2023 jylǵy álem chempıonatynyń kúmis júldegeri Dýlat Bekbaýov 2019 jylǵy Eýropa oıyndarynyń kúmis júldegeri, WBA tujyrymy boıynsha birinshi orta salmaqta 10-orynda turǵan Harıton Agrbamen (12-0, KO 8) sharshy alańda kezdesedi.
22 jasqa deıingiler arasynda Azııa chempıonatynyń fınalısi Erasyl Jaqpekov 80 kelide jastar arasynda Eýropa birinshiliginiń kúmis júldegeri (19-22 jas), Nıderland boksshysy Gradýsom Klaýspen aıqasady.
Bıylǵy álem chempıony jáne 2022 jylǵy Azııa chempıony Aslanbek Shymbergenov 71 kelide meksıkalyq Hose Mıgel Borregomen (20-4, KO 17) jekpe-jekke shyǵady.
2021 jylǵy álem chempıonatynyń fınalısi jáne 2022 jylǵy Azııa chempıonatynyń kúmis júldegeri Serik Temirjanov 63,5 kelide Serbııa namysyn qorǵaıtyn Reseı boksshysy Pavl Fıodorovpen (3-0, KO 1) aıqasady.
2023 jylǵy álem chempıony jáne 2021 jylǵy álem chempıonatynyń fınalısi Mahmud Sabyrhan 57 kelide kýbalyq Osvaldo Dıaspen rıngte kezdesedi.
Týrnır eń jeńil salmaqta álem chempıony Sanjar Táshkenbaı 51 kelide eki dúrkin Azııa chempıony, О́zbekstan sportshysy Nodırjon Mırzaahmedovtyń arasyndaǵy jekpe-jegimen bastalady.
Elimizde boks keshin — Qazsport, al Reseıde — «Match TV» arnalary tikeleı efırde kórsetedi.
Salmaq ólsheý rásimi jáne face-to-face 14 jeltoqsanda keshki saǵat 18:00-de «Han-Shatyr» saýda kesheninde ótedi.
