Qazaqstan sportshylary jasóspirimder Olımpıadasyna qatysady

Sportshylar kelesi jyldyń 19 qańtary men 1 aqpany aralyǵynda Ońtústik Koreıanyń Kanvondo provınııasyndaǵy Kannyn qalasynda jalaýy jelbireıtin IV qysqy jasóspirimder Olımpıadasyna qatysady.

Osyǵan baılanysty Týrızm jáne sport mınıstrligende vedomstvo basshysy Ermek Marjyqpaevtyń qatysýymen Olımpıadaǵa baratyn sportshylardyń daıyndyǵy boıynsha keńeıtilgen otyrys boldy.

Jıynda Ermek Marjyqpaev Sport jáne dene shynyqtyrý isteri komıtetine Ulttyq Olımpıada komıteti, Sportty damytý dırekııasy jáne Olımpıadalyq daıyndyq ortalyǵymen tize qosyp, birqatar máseleni sheshýdi tapsyrdy. Atap aıtqanda, Oıyndarǵa qatysatyn sporttyq delegaııanyń sapaly quramyn qalyptastyrý, uıymdastyrý komıtetiniń talaptaryna sáıkes sporttyq júktemeniń tizbesin pysyqtaý, delegaııa múshelerin jabdyqtaý kestesin bekitý, sportshylardyń daıyndyq barysy men tý ustaýshylardy bekitý jáne taǵy basqa mańyzdy máselelerdi sheshý kerektigin aıtty.

Kanvondodaǵy IV qysqy jasóspirimder Olımpıadasyna Qazaqstan jasóspirimder quramasynyń qorjynynda ázirge sporttyń 5 túrinen (bıatlon, konkımen júgirý, short-trek, kerlıng, shaıbaly hokkeı) 17 joldama bar. Al jalpy Olımpıadaǵa jer-jahannyń 70 elinen 1 800 (900 ul, 900 qyz) sportshy qatysady dep josparlanyp otyr. Sporttyń 7 túrinen 15 dısıplına boıynsha 81 medal jıyntyǵy sarapqa salynady.

IV qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy Gangneuung Oval sport kesheninde ótse, Oıyndardyń jabylý saltanaty 2024 jyldyń 1 aqpanynda Gangneung Olympic Park sport kesheninde uıymdastyrylady dep josparlanǵan.

Dastan KENJALIN,

ASTANA