SportPress.kz Qazaqstan sport jańalyqtary
Kelesi jyldyń 27 qańtarynda Astanada Azııa qurlyǵynda alǵash ret jeńil atletıkadan World Athletics Indoor Tour Gold 2024 aıasynda Astana Indoor Meet for Amin Tuyakov Prizes halyqaralyq týrnıri bastalady, dep habarlady olympic.kz.
Bul týrnır 23 aqpanda Ispanııanyń Madrıd qalasynda aıaqtalady. Osy aralyqta jeti týrnır ótkiziledi.
Týr qorytyndysy boıynsha árbir dısıplınadan kóp upaı jınaǵan sportshy jeńimpaz dep jarııalanyp, 10 000 AQSh dollary kóleminde bonýs alady. Sondaı-aq olarǵa Shotlandııanyń Glazgo qalasynda ótetin jeńil atletıkadan jabyq keshendegi 24-álem chempıonatyna qatysý usynylady.
Astanadaǵy týrnırde áıelder arasynda 400m, 60 m, 1 mıl (1 609, 34m), 60 m kedergiler arqyly, bıiktikke sekirý, uzyndyqqa sekirý, erler arasynda 60 m, 60m kedergiler arqyly, 3000 m, syryqpen sekirý, ıadro laqtyrýdan jarys bolady.
Týrnırge syryqpen sekirýden qazirgi álem rekordshysy Armand Dıýplantıs, 5 000 metrge júgirýden álem rekordshysy Gýdaf egaı, 200 metrge júgirýde «Gaýhar lıgasy» fınalynyń jeńimpazy, kanadalyq sprınter Arne de Grass ta qatysady.
