Sporttyq atý federaııasy Olımpıadaǵa daıyndyqty tanystyrdy

Týrızm jáne sport mınıstri Ermek Marjyqpaev sporttyq atý federaııasynyń basshylarymen jáne jattyqtyrýshylar shtabymen kezdesti, dep habarlady vedomstvo.

Jıynda oq atý jáne stendtik atý ókilderi sportshylarymyzdyń sońǵy iri halyqaralyq týrnırlerdegi jarysyn qorytyndylap, Parıj Olımpıadasyna daıyndyq josparyn tanystyrdy.

Qytaıdaǵy Azııa oıyndarynda Qazaqstan quramasy stendtik atý boıynsha – 2 altyn jáne 3 qola, oq atý boıynsha – 1 altyn, 2 kúmis jáne 2 qola medal jeńip aldy. Sary qurlyq dodasynda Z.Irnazarova, komandalyq skıt mıkstte Á.Orynbaı men E.Eщenko jáne áıelder arasyndaǵy komandalyq skıtte Z.Kravchenko, Á.Orynbaı, O.Panarına top jardy.

Oq atý jáne stendtik atý – medaldar eń kóp sarapqa salynatyn sport túrleriniń biri. Ulttyq quramanyń keıingi jyldardaǵy nátıjeleri elimizde sporttyq atýdyń qarqyndy damyp kele jatqanyn kórsetedi. Mergenderdiń Azııa oıyndaryndaǵy jetistigi barshamyzdy qýantty. О́nimdi jumys istelgeni kórinip tur. Eń bastysy – sizder búkil eldiń úmitin aqtadyńyzdar. Alda lıenzııalyq jarystar men 2024 jylǵy jazǵy Olımpıada kútip tur. Osy sport túrin serik etken komanda kóshbasshylary irikteý saıystarynan sátti ótip, tórtjyldyqtyń basty dodasynda laıyqty óner kórsetedi dep úmittenemiz, — dedi Ermek Marjyqpaev.

Qazirgi ýaqytta Qazaqstannyń sporttyq atý quramasy Parıj Olımpıadasynyń 3 lıenzııany ıelenip otyr. 2024 jylǵa 2 stendtik jáne 2 oq atý boıynsha 4 lıenzııalyq týrnır josparlanǵan. Demek, joldamalar sanyn taǵy da kóbeıtýge múmkindik bar.

Kezdesý sońynda Týrızm jáne sport mınıstri quramanyń jattyqtyrýshylar shtabyna jeke alǵysyn bildirip, oq atýdan bas jattyqtyrýshy Olga Dovgýnǵa memleket basshysynyń atynan estelik syılyq tabys etti.