Baqtııar Artaevqa Vel Barker kýbogy qaıtarylady

Jaǵymdy jańalyq jetti. Kópten kútken jańalyq. Baqtııar Artaevqa aldaǵy aıda Vel Barker kýbogy tabys etiledi. Dál qazir onyń dýblıkaty daıyndalyp jatyr. Esterińizde bolsa, 2021 jyly Serbııadaǵy álem chempıonatynda Baqtııar Artaev osy júldesin resmı túrde Halyqaralyq boks federaııasyna tapsyrǵan bolatyn. Sol kezde oǵan óte sapaly kóshirmesi jasalyp, ózine beriletini aıtyldy. Mine, sol ýáde araǵa uzaq ýaqyt salyp, endi oryndalaıyn dep jatyr.

Osy turǵyda kókeıde biraz suraq týyndaıdy. О́ıtkeni, Vel Barker kýbogy 1936 jyldan beri ár Olımpıadada eń úzdik boksshyǵa tabys etilip júr. Iaǵnı, 4 jyl saıyn qoldan qolǵa ótip otyrady. Sáıkesinshe, onyń jıegine jańa ıesiniń esimderi oıylyp jazylady. Mine, osy syılyq qalaı Baqtııar Artaevtyń qolynda qalyp qoıdy? Odan keıingi de úzdik bokshylarǵa berildi emes pe? Sonymen qatar Halyqaralyq boks federaııasy nege Artaevtyń júldesin mýzeıge aldy?

Sóıtsem, ıá, syılyq, rasymen de, 1936 jyldan beri berilip keledi. Biraq, 2004 jyly ol qoldan qolǵa berilmeıtin bolǵan.  Iaǵnı, odan keıingi jazǵy Oıyndarda jańa kýbok daıyndalyp, eń úzdik boksshyǵa tapsyrylatyn boldy. Al, 90 jylǵa jýyq tarıhy bar negizgi kýbok Baqtııar Artaevtyń enshisinde qaldy. Mine, osyndaı qyzyqty jaǵdaı. Tarıh qoı. Qundy syılyq uzaq kelissózderden keıin halyqaralyq boks federaııasyna berildi.

Bireý bilse, bireý bilmes, naýryzda Astanada Baqtııar Artaevtyń júldesine arnalǵan halyqaralyq týrnır ótedi. Mine, osy boks básekesine deıin álgi kóshirme daıyn bolady degen úmittemiz. Halyqaralyq boks federaııasynyń da maqsaty osy. Kýbok týrnırdiń ashylý saltanatynda resmı túrde tabys etilmek. Al, endi ony kim ákelip beretini ázirge jumbaq bolyp otyr.

Aslan QAJENOV,

Seıdahmet Berdiqulov atyndaǵy syılyqtyń laýreaty,

ASTANA

Bizdiń anyqtama: Baqtııar Artaev — 2004 jyly Grekııanyń astanasy – Afına qalasynda ótken jazǵy Olımpııalyq oıyndardy 69 kelige deıingi salmaqta jeńip alǵan qazaqtyń ataqty boksshysy, halyqaralyq sport sheberi, 1-dárejeli Barys ordeniniń ıegeri.

Oǵan deıin Vel Barker kýbogyn 1996 jyly AQT-tyń Atlanta qalasynda jalaýy jelbiregen Olımpıadada 81 kelide, ıaǵnı jartylaı orta salmaqta Vasılıı Jırov ıelengen bolatyn. Al Baqtııar Artaevtan keıin 2012 jyly Londonda ótken Olımpıadada 69 kelige deıingi salmaqta Serik Sápıev kýboktyń ıegeri ataǵyna laıyq dep tanyldy.

Vel Barker kýbogy — 1936 jyldan bastap Olımpııalyq oıyndardyń eń tehnıkaly boksshysyna beriletin júlde. Kýbok 1920 jyly aǵylshyn boksshysy, Halyqaralyq áýesqoı boks federaııasynyń alǵashqy qurmetti hatshysy Vel Barkerdiń qurmetine taǵaıyndalǵan.

Kýbok — AIBA -nyń jekemenshigi. Ol Olımpııalyq oıyndarda alǵan orynyna qaramastan eń myqty tehnıka kórsetken boksshyǵa tabys etiledi. Jeńimpazǵa kýboktyń kóshirmesi men AIBA-nyń dıplomy beriledi. Kýbok jarystar bitkennen soń, bir kúnnen keıin, arnaıy eremonııa kezinde AIBA músheleri men shaqyrylǵan qonaqtardyń kózinshe tabys etiledi.

Saltanatty is-sharaǵa kýbokqa úmitker bolǵan barlyq sportshylar shaqyrylady. Kýbokqa jeńimpazdyń esimi, salmaǵy, eli jáne Olımpıada ótken qalanyń ataýy qashalyp jazylady. Kýbok ıegeri kýbokty óz eliniń Ulttyq boks federaııasyna kelesi Olımpııalyq oıyndarǵa deıin saqtaýǵa ótkizedi.

Ulttyq boks federaııasy AIBA-ǵa kýbokty qaýipsizdikti saqtaý jóninde kepildeme berip, AIBA-nyń esepshotyna kepildik retinde aqsha aýdarady. Kelesi Olımpııalyq oıyndardyń bastalýyna kem degende jeti kún qalǵa deıin kýbok Olımpıada bolatyn qalaǵa, AIBA-nyń Atqarýshy komıtetiniń múshelerine jetkizilýi kerek. Kýbok ıegeri AIBA tarapynan kelesi Olımpıadaǵ qurmetti qonaq retinde shaqyrylyp, kýbokty kelesi boksshyǵa tapsyrý rásimine qatysady. Eger kýbokty qatarynan úsh ret bir eldiń bokshylary alsa, onda kýbok sol eldiń Ulttyq boks federaııasynyń menshigine ótedi.