SportPress.kz Qazaqstan sport jańalyqtary
15-16 naýryz aralyǵynda Qytaıdyń Taıan qalasynda taekvondodan Parıj Olımpıadasyna joldama taratatyn Azııa aımaqtyq irikteý týrnıri bolady, dep habarlady Týrızm jáne sport mınıstrligi Sportty damytý dırekııasy.
Qurlyq dodasynda 33 elden kelgen 96 sportshy qatysady. Týrnırge Qazaqstannan jastar arasyndaǵy álem chempıonatynyń qola júldegeri (2022), Spartakıada jeńimpazy, 17 jastaǵy Batyrhan Tóleýǵalı (80 kg), Samırhon Ababakırov (58 kg) qatysady. Samırhon 20 jasta. Ol — Olımpıada reıtınginde 39-orynda tur. Sonymen birge VI jazǵy Spartakıadasynyń jeńimpazy, Olımpıada reıtınginde 44-orynda kele jatqan 19 jastaǵy Marııa Sevostıanova (57 kg) men Azııa oıyndarynyń eki dúrkin júldegeri, Olımpıada reıtınginde 14-oryn turǵan 33 jastaǵy Jansel Denız (+67 keli) kúsh synasady.
Taıandaǵy týrnırde ár salmaqta fınalǵa shyqqan sportshylarǵa lıenzııa beriledi.
Alǵashqy jarys kúni erler 68 kg, 80 kg, al áıelder 49 kg, 67 kg deıingi salmaqta joldamaǵa talasady. Ulttyq qurama sapynan erteń tek Batyrhan Tóleýǵalı daıangqa shyǵady. Ol jerebe tartý kezinde V tobyna tústi. Batyrhan birinshi aınalymda Akshaı Hýdamen (Úndistan) kúsh synasady. Jeńiske jetse, jartylaı fınalda oǵan Indonezııa nemese Saýd Arabııasynyń taekvondoshysy qarsylas bolady.
Barlyǵy 80 kg deıingi salmaqta 9 sportshy bar. Búgin olar resmı salmaq ólsheýden ótti.
Daıyndyǵym josparǵa saı ótti. Týrnırge daıynmyn. Iá, bul jarystyń orny bólek ekeni aıtpasa da túsinikti. Olımpııalyq oıyndarda baq synaý kez kelgen sportshynyń armany. Erteń barymdy salamyn. Úndistandyq sportshymen alǵash ret jolyǵaıyn dep turmyn, — dedi Batyrhan Sportty damytý dırekııasynyń baspasóz qyzmetine bergen suhbatynda.
Qytaıdaǵy jarys kezinde Parıj Olımpıadasynyń joldamasyna ár salmaqta fınalǵa shyqqan eki sportshy ıe bolady.
Qazaqstan 2004 jyldan beri Olımpıadaǵa taekvondodan turaqty túrde sportshy aparyp keledi. Osy ýaqytqa deıin elimiz Olımpıadada bir júlde aldy. Beıjiń Olımpıadasynda Arman Shylmanov qola medaldi ıelendi.
