رىباكينا ۇلتتىق قۇرامانىڭ قاتارىنا الىنبادى

تەننيستەن ەلىمىزدىڭ ۇلتتىق قۇراما كومانداسىنىڭ جاتتىقتىرۋشىلار شتابى بيللي دجين كينگ كۋبوگى ماتچىنا قاتىساتىن قۇرامانى جاريالاندى، دەپ حابارلادى https://t.me/RRaketkasi.

قازاقستان ايەلدەر قۇراماسى 12-13 ساۋىردە توكيو قالاسىندا وتەتىن  بيللي دجين كينگ كۋبوگىنىڭ ىرىكتەۋ ساتىسىندا جاپونيا كومانداسىمەن وينايدى. قۇراماعا يۋليا پۋتينتسەۆا، زارينا دياس، اننا دانيلينا، جىبەك قۇلامباەۆا مەن ارۋجان ساعىندىقوۆا شاقىرىلدى.

زارينا دياس كوپتەن بەرى تەننيس دودالارىنا قاتىسپادى. جاپونيامەن ماتچ Ariake Coliseum ارەناسىنىڭ حارد توسەنىشىندەگى كورتىندا بولادى. بيللي دجين كينگ كۋبوگىنىڭ ىرىكتەۋ ماتچىندا تەننيسشىلەر ءتورت جەكەلەي جانە ءبىر رەت جۇپتىق ويىن وينايدى. ماچتار ءۇش سەتتىك فورماتتا بولادى.

توكيودا قازاقستاننىڭ كوشباسشى ويىنشىسى ەلەنا رىباكينا وينامايدى. بيىل جازدا پاريجدە وليمپيالىق ويىندار بولادى. قۇرامانىڭ جاتتىقتىرۋشىلار شتابى ەلەنا رىباكينانىڭ ءتورت جىلداعى ەڭ باستى جارىسقا دايىندالىپ، ناعىز بابىندا بارۋى ءۇشىن جاپونيامەن ماتچقا شاقىرمادى، — دەدى ۇلتتىق قۇرامارنىڭ باس جاتتىقتىرۋشىسى يۋري ششۋكين.

ونىڭ ايتۋىنشا، رىبكينا ءۇشىن وليمپيادا بيللي دجين كينگ كۋبوگىنا قاراعاندا ماڭىزدى.