زارينا دياس ەكى جىل ۇزىلىستەن كەيىن كورتقا قايتا شىعادى

تەننيسشى زارينا دياس جاپونيادا وتەتىن W50 KASHIWA KASHIWA OPEN تۋرنيرىنە قاتىسادى.

بۇل تۋرنير زارينانىڭ جاراقاتىنا بايلانىستى ەكى جىلعا سوزىلعان ۇزىلىستەن كەيىنگى العاشقى دوداسى. ول سودان كەيىن 12-13 ساۋىردە وسى ەلدە بيللي دجين كينگ كۋبوگىنىڭ ىرىكتەۋ كەزەڭىندە جاپونيامەن قارسى قازاقستان قۇراماسى ساپىندا وينايدى.

كەزىندە الەمدىك رەيتينگىدە 31-ورىنعا دەيىن كوتەرىلگەن زارينا دياس تەننيستەگى ەڭ ۇلكەن تابىسىنا جاپونيادا جەتكەن. ول 2017 جىلى توكيو WTA ءتۋرنيرىنىڭ جەڭىمپازى اتانعان ەدى.

كەشە زارينا دياس الماتى قالاسىندا جاس تەننيسشىلەرمەن شەبەرلىك ساباعىن وتكىزدى.

ول تسسكا تەننيس ورتالىعىندا بالالارمەن دوپ قاعىسىپ، اقىل-كەڭەسىن ايتتى.

بالالارمەن ويناعانىما وتە قۋانىشتىمىن. ولاردىڭ تەننيسكە دەگەن قىزىعۋشىلىعى وتە جاقسى. قازاقستاندا تەننيس قارقىندى دامىپ كەلەدى. سوندىقتان ەلىمىزدەن كوپتەگەن چەمپيوندار شىعاتىنىنا سەنىمدىمىن. شەبەرلىك ساعاتىنا بالالار مەن اتا-انالاردىڭ كوپتەپ كەلگەنى قۋانتادى، — دەدى زارينا دياس.

شەبەرلىك ساباعىنان كەيىن زارينا دياس ءوز جانكۇيەرلەرىنە قولتاڭباسىن تاراتىپ، سۋرەتكە ءتۇستى.