SportPress.kz Qazaqstan sport jańalyqtary
Týrızm jáne sport mınıstri Ermek Marjyqpaev Iran Islam Respýblıkasynyń sport jáne jastar mınıstri Kıomarz Hashemımen ekijaqty kelissóz júrgizdi, dep habarlady vedomstvo.
Kezdesýde Qazaqstan men Iran arasyndaǵy jas sportshylardy daıarlaý salasyndaǵy yntymaqtastyqty odan ári damytý máseleleri talqylandy.
Byltyr eki eldiń mınıstrleri arasynda sport salasyndaǵy ózara yntymaqtastyq týraly memorandýmǵa qol qoıǵan bolatyn. Ermek Marjyqpaev bul qujat eki el arasyndaǵy qarym-qatynasty jandandyrýǵa yqpal etetinin atap ótti.
О́zderińiz biletindeı, Iranda kúres túrleri, ásirese erkin jáne grek-rım kúresi óte jaqsy damyǵan. Sondyqtan sizderge Qazaqstan balýandarymen birlesken oqý-jattyǵý jıyndaryn ótkizýdi usynamyz. Mundaı tájirıbe kúrestiń damýyna oń áser etetinine senimdimin. Qazaqstan sportshylary qundy tájirıbe jınasa, jattyqtyrýshylar ırandyq sportshylardyń jattyǵý júıesimen tanysa alady. Iran sportshylary ózderiniń oqý-jattyǵý jıyndaryn Almatydaǵy olımpıadalyq daıarlyq ortalyǵynyń bazasynda ótkize alady, — dedi Ermek Marjyqpaev.
Sonymen qatar vedomstvo basshysy kezdesýde ırandyq áriptesin osy jyldyń qyrkúıek aıynda Astanada ótetin 5-shi Dúnıejúzilik kóshpendiler oıyndarynyń ashylý saltanatyna qatysýǵa shaqyrdy.
Mınıstr Iran quramasynyń Kóshpendiler oıyndaryna sporttyń alty túrinen qatysatynyn aıtty. Olar: alysh, ashyrtmaly aba gıýreshı, dástúrli sadaq atý, jamby atý, kýrash, qazaq kúresi.
О́z kezeginde Iran tarapy ózara yntymaqtastyqty jandandyrý úshin Astanadaǵy Dúnıejúzilik kóshpendiler oıyndaryna qatysýdy uıymdastyrý boıynsha jumys tobyn qurýdy usyndy.
Kezdesýde týrızm jáne sport mınıstri Ermek Marjyqpaevtyń vedomstvonyń jáne óz atynan Iran prezıdenti Ibrahım Raısıdiń qazasyna baılanysty parsy eliniń halqyna kóńil aıtty.
