قفف «قايرات» فۋتزال كلۋبىنا ايىپپۇل سالدى (ۆيدەو)

استانادا قازاقستان فۋتبول فەدەراتسياسىنىڭ ادەپ جونىندەگى كوميتەتىنىڭ وتىرىسى ءوتىپ، قارسىلاس كوماندانىڭ اتريبۋتيكاسىنا قۇرمەتسىزدىك تانىتقان «قايرات» فۋتزال كلۋبى ويىنشىلارىنىڭ ماسەلەسى قارالدى.

وتىرىستىڭ قورىتىندىسى بويىنشا «قايرات» افك-عا 500 اەك مولشەرىندە ايىپپۇل سالىندى. قفف ايىپپۇلدى 2024 جىلدىڭ 10 شىلدەسىنە دەيىن تولەۋ قاجەت دەگەن شەشىمگە كەلدى.

سونىمەن بىرگە «قايرات» افك باس ديرەكتورى اسەم قۇجانوۆاعا ەسكەرتۋ تۇرىندە تارتىپتىك سانكتسيا سالىنسىن دەگەن شەشىم شىعارىلدى.

«قايرات» افك اراڭداتۋشىلاردى تاۋىپ، ءتۇسىندىرۋ جۇمىسىن جۇرگىزۋگە مىندەتتەلسىن. ناتيجەسىن 2024 جىلدىڭ 24 ماۋسىمىنا دەيىن حابارلاسىن، — دەپ حابارلادى قازاقستان فۋتبول فەدەراتسياسى.

ەسكە سالا كەتسەك، «قايرات» فۋتزال كلۋبىنىڭ قاقپاشىسى، قازاقستان ۇلتتىق قۇراماسىنىڭ كاپيتانى لەو يگيتا اۆتوبۋسقا كىرىپ بارا جاتقاندا ءبىر توپ جانكۇيەردىڭ جەرگە جايىلعان «اقتوبە» مەن» استانا» كلۋبتارىنىڭ اتى جازىلعان جالاۋ مەن مويىنشالمانى تاپتاپ كەتكەن بولاتىن.

داستان كەنجالين،

استانا

 

View this post on Instagram

 

A post shared by Kairat Futsal (@afckairat)