Qazaqstan velosporttan Azııa chempıonatynda kósh bastady

Almatyda tas joldaǵy velosporttan Azııa chempıonaty aıaqtaldy, dep habarlady olympic.kz

Qazaqstan quramasy jalpy esepte kósh bastady.

Ulttyq qurama 6 altyn, 3 kúmis jáne 6 qola medaldi ıelendi.  Ekinshi oryndy 2 altyn, 1 kúmis ıelengen Taıpeı komandasy aldy. Úshinshi orynǵa 2 altyn júldesi bar Ońtústik Koreıa ıe boldy.

Sonymen birge Azııa chempıonatynda О́zbekstan, Indonezııa, Qytaı, BAÁ komandalary bir-bir  altyn júldeden jeńip aldy.

Qazaqstan quramasy eresekter arasyndaǵy aralas komandalyq estafetada (Fedorov Evgenıı, Grýzdev Dmıtrıı, Chjan Igor, Rınata Sultanova,  Mahabbat Úmitjanova, Faına Potapova), jasóspirimder arasyndaǵy aralas komandalyq estafetada (Batyrhan Alık, Mansur Beısembaı, Mıhaıl Podlýjnyı, Angelına Býrenkova, Evgenııa Zaam ı Ekaterına Ýdovykına), erler arasyndaǵy jekeleı synda (Evgenıı Fedorov), jasóspirim qyzdar arasyndaǵy jekeleı jarysta (Marııa Elkına), anderler arasyndaǵy jekeleı báseke (Nıkolıa Vınokýrov) men ander qyzdar arasyndaǵy jekeleı jarysta (Aqpeıil О́sim) altyn medal ıelendi.