پارا سپورتشىلار پاريجگە اتتاندى

ەلىمىزدىڭ XVII جازعى پاراليمپياداعا قاتىساتىن سپورتشىلارىنىڭ العاشقى لەگى فرانتسيانىڭ استاناسى پاريج قالاسىنا اتتاندى، دەپ حابارلادى Qazaqstan.tv.

بۇگىن ۆولەيبولدى وتىرىپ ويناۋ، پارا ۇستەل تەننيسى جانە پارا ءجۇزۋ قۇرامالارىنىڭ سپورتشىلارى فرانتسياعا جول تارتتى. پاريج پاراليمپياداسىنا ۆولەيبولدى وتىرىپ ويناۋدان ۇلتتىق قۇراما 28 جىلدان كەيىن العاش رەت قاتىسادى. ال پارا ۇستەل تەننيسىنەن قازاقستان قۇراماسى بيىل العاش رەت پاراليمپيادا جولداماسىن جەڭىپ الدى.

پارا ءجۇزۋ سپورتشىلارى اراسىندا لوندون-2012 پاراليمپيادا چەمپيونى ءزۇلفيا عابيدۋللينا، توكيو پاراليمپياداسىنىڭ قولا جۇلدەگەرى نۇرداۋلەت جۇماعالي، حالىقارالىق جارىستاردىڭ جۇلدەگەرلەرى سيازبەك داليەۆ پەن امير مۇراتبەكوۆ بار. قازاقستان قۇراماسىنىڭ سپورتشىلارى پاريج پاراليمپياداسىنا سپورتتىڭ 9 تۇرىنەن 33 ليتسەنزيا جەڭىپ الدى. جارىس 28 تامىز بەن 8 قىركۇيەك ارالىعىندا وتەدى.