Rızabek Aıtmuhan úsh dúrkin álem chempıony atandy

Rızabek Aıtmuhan kúresten 23 jasqa deıingi jastar arasynda álem chempıony atandy. Ol Albanııanyń astanasy — Tıranada ótip jatqan álem chempıonatynda 97 kg deıingi salmaqtyń fınalynda ırandyq qarsylasy Mahdı Muharamálı Morafany jeńip, qurmet tuǵyrynyń eń bıik satysyna kóterildi.

Osylaısha, Rızabek Aıtmuhan 3 túrli jas sanatynda álem chempıonatynda altyn júlde alǵan tuńǵysh qazaq palýany atandy.

Eske sala keteıik, Rızabek byltyr Belgradta eresekter arasynda (92 kg deıingi salmaq), al bıyl Pontevedra qalasynda 20 jasqa deıingi palýandar arasynda álem chempıony (97 kg deıingi salmaq) atanǵan edi.

22 jastaǵy Mahdı — jasóspirimder arasyndaǵy álem chempıonatynyń kúmis júldegeri (2021 jyl).

Otandasymyz keshe 3 beldesý ótkizip, alǵashqysynda Kallým Ýılıam Nokty (Kanada), odakn keıin Vladıslav Kozlovty (Beıtarap atlet) taza jyqqan. Al jartylaı fınalda Shamıl Imam Gadjalıevten basym túsken.

Osymen Tıranadaǵy 23 jasqa deıingi palýandar arasyndaǵy báseke aıaqtaldy. Qazaqstan komandasy jarysty 1 altyn júldemen qorytyndylady.

Shamken BAIYRBEK,

ASTANA