فۋتبولدان ءاچ: قازاقستان قۇراماسىنىڭ قارسىلاستارى انىقتالدى

13 جەلتوقساندا فيفا كەڭسەسىندە (شۆەيتساريا) ەۋروپالىق ايماقتاعى 2026 جىلعى ءالەم چەمپيوناتىنىڭ ىرىكتەۋ كەزەڭىنە قاتىساتىن كوماندالاردى توپ-توپقا ءبولۋ ءۇشىن جەرەبە تارتۋ ءراسىمى ءوتتى. قازاقستان قۇراماسى J توبىنا ءتۇستى.

قازاقستان فۋتبول فەدەراتسياسىنىڭ حابارلاۋىنشا، ماتچتار 2025 جىلدىڭ ناۋرىز ايىندا باستالىپ، قاراشا ايىندا اياقتالادى. ۇلتتىق قۇراما J توبىندا بەلگيا، ۋەلس، سولتۇستىك ماكەدونيا، ليحتەنشتەين كوماندالارىمەن وينايدى.

توپتا ءبىرىنشى ورىن العان قۇراما الەم چەمپيوناتىنا تىكەلەي جولداما السا، ەكىنشى ورىندى يەلەنگەن كوماندا وتپەلى ماتچ وينايدى.

وتپەلى ماتچ (پلەي-وفف) 2026 جىلدىڭ 26 جانە 30 ناۋرىزىندا بولادى.

ا توبى: گەرمانيا نەمەسە يتاليا (ۇلتتار ليگاسى پلەي-وفف ساتىسىنداعى جەڭىمپاز)، سلوۆاكيا، سولتۇستىك يرلانديا، ليۋكسەمبۋرگ.

B توبى: شۆەيتساريا، شۆەتسيا، سلوۆەنيا، كوسوۆو.

C توبى: پورتۋگاليا نەمەسە دانيا (جەڭىلگەن قۇراما)، گرەكيا، شوتلانديا، بەلارۋس.

D توبى: فرانتسيا نەمەسە حورۆاتيا (جەڭىمپاز)، ۋكراينا، يسلانديا، ازەربايجان.

داستان كەنجالين