Футболдан ӘЧ: Қазақстан құрамасының қарсыластары анықталды

13 желтоқсанда ФИФА кеңсесінде (Швейцария) Еуропалық аймақтағы 2026 жылғы әлем чемпионатының іріктеу кезеңіне қатысатын командаларды топ-топқа бөлу үшін жеребе тарту рәсімі өтті. Қазақстан құрамасы J тобына түсті.

Қазақстан футбол федерациясының хабарлауынша, матчтар 2025 жылдың наурыз айында басталып, қараша айында аяқталады. Ұлттық құрама J тобында Бельгия, Уэльс, Солтүстік Македония, Лихтенштейн командаларымен ойнайды.

Топта бірінші орын алған құрама әлем чемпионатына тікелей жолдама алса, екінші орынды иеленген команда өтпелі матч ойнайды.

Өтпелі матч (плей-офф) 2026 жылдың 26 және 30 наурызында болады.

А тобы: Германия немесе Италия (Ұлттар лигасы плей-офф сатысындағы жеңімпаз), Словакия, Солтүстік Ирландия, Люксембург.

B тобы: Швейцария, Швеция, Словения, Косово.

C тобы: Португалия немесе Дания (жеңілген құрама), Грекия, Шотландия, Беларусь.

D тобы: Франция немесе Хорватия (жеңімпаз), Украина, Исландия, Әзербайжан.

Дастан КЕНЖАЛИН