ارۋلاردىڭ ايشىقتى مەرەكەسى

تال بەسىكتەن تەربەتكەن انالار ۇلتتىڭ قايسار ۇلىن تاربيەلەيدى. جاۋگەرشىلىك زاماندا دا ەرلەرمەن بىرگە اتقا قونىپ، قولىنا قارۋ ۇستاپ ەلىن قورعان حالىق ەپوسىنداعى گۇلبارشىن، قۇرتقا، اقجۇنىس، نازىمدار، بەرگى داۋىردە دومالاق انا، ايشا-ءبيبى، ۇلجان، ۇلى ابايدى تاربيەلەگەن زەرە مەن ۇلجان، قول باستاعان بوپاي، ەل بيلەگەن ايعانىم، ۇلپاندار ەلىنە دەمەۋ، ەرىنە سۇيەۋ بولا بىلگەن.  سونىمەن قاتار، كورىكتى كەسكىن كەلبەتىمەن، ەلمەن ەلدى اقىلدىلىعىمەن، دانالىعىمەن تاتۋلاستىرىپ ەرەكشەلەنگەن.  ع.مۇسىرەپوۆ: «ادامدا نە قاسيەت بولسا، ءبارى كۇننىڭ كوزى مەن انانىڭ اق سۇتىنەن الىنعان قاسيەت»، دەگەن ەكەن. «الىپ انادان تۋادى»، دەگەن بابالارىمىز.

قازاق دالاسىنان اتى ەلگە تانىلعان باتىر-باعلاندار مەن اتتارى ايگىلى بالۋانداردىڭ بارلىعى ايتالىق، قاجىمۇقان، بالۋان شولاق، بورانقۇل سەكىلدى ايتا بەرسەڭ تاۋسىلمايتىن مۇزبالاق تۇلعالاردىڭ بارلىعى اناسىن قۇرمەتتەپ، تىرلىكتىڭ بارىنەن بيىك ساناعان.  «جاننات انانىڭ تابانىنىڭ استىندا»، دەمەكشى.  انالاردىڭ الدىندا ارقاشاندا ءبىز قارىزدار ەكەنىمىزدى ءبىر ساتتە ۇمىتپاعانىمىز ابزال.

بۇگىنگى كۇنى اقىلىنا كوركى ساي، پايىمىنا پاراساتى ساي، ىرىس پەن ىنتىماقتىڭ التىن دىڭگەگى بولعان قازاقتىڭ قىز-كەلىنشەكتەرى ءوسىپ كەلەدى. ءاربىر ءۇيدىڭ بەرەكەسى مەن مەرەكەسى بولىپ وتىرعان انالارمەن ارۋلاردىڭ ءبىر جىلدا ءبىر كەلەتىن 8 ناۋرىز مەرەكەسىندە سۇيكتى دە سۇيكىمدى ارۋلارعا قانداي تىلەك ايتىپ قانداي سىيلىق سىيلاسا دا جاراسادى. مىنە، قۇلپىرعان كوكتەمنىڭ جايما-شۋاق كۇندەرىمەن اسىل جانداردىڭ مەرەكەسى دە كەلىپ جەتتى. وسى مەرەكەلى مەيرامدا ارداقتى انالارمەن سۇيكتى ارۋلارىمىزعا اق تىلەكتەر اعىلاتىنى ءسوزسىز.

وسى ورايى كەلگەن مەرەكە الدىندا الماتى وبلىسى ىلە اۋدانى، وتەگەن باتىر كەڭشارىندا ورنالاسقان بالالار مەن جاسوسپىرىمدەر سپورت مەكتەبىندە كوپ جىلداردان بەرى تاباندى ەڭبەك ەتىپ، ءجاسوپىرىم سپورتشىلاردىڭ قاناتىنىڭ قاتايىپ تانىمال بولىپ ءوسىپ وركەندەۋىنە ولشەۋسىز ۇلەس قوسىپ كەلە جاتقان ارۋلاردى كوكتەم مەركەسىمەن قۇتتىقتاۋدىڭ رەتى كەلىپ وتىر.  سپورت سالاسىندا جىلدار بويى تەر توگىپ ەڭبەگىنىڭ جەمىسىن كورىپ كەلگەن ارۋلاردىڭ اراسىندا ءبىرتالاي بۇرىمدى باپكەرلەر تالانتتى  شاكىرتتەرمەن  ەلگە تانىلىپ كەلەدى. سولاردىڭ اراسىندا سامبودان  شولپان-اتادا وتكەن  الەم كۋبوگىندە جۇلدەگەر اتانىپ، جاستار اراسىندا تاشكەنتتە وتكەن ازيا چەمپيوناتىندا قولا جۇلدەگە قول جەتكىزگەن، قازاقستان چەمپيونى، قازاقستان رەسپۋبليكاسىنىڭ سپورت شەبەرى اينۇر تورەباي، بايداركامەن جانە كانوەدا ەسكەك ەسۋدەن الەم چەمپيوناتىنىڭ قولا جۇلدەگەرى، ازيا ويىندارىنىڭ قولا جۇلدەگەرى،  حالىقارالىق دارەجەدەگى سپورت شەبەرى ، قازاقستان چەمپيونى، ۇلتتىق قۇرامانىڭ بەلدى مۇشەسى ەكاتەرينا كالتەنبەرگەر، اۋىر اتلەتيكادان قازاقستان رەسپۋبليكاسىنىڭ سپورت شەبەرى دانا يساپا سەكىلدى تالانتتى ارۋلاردىڭ جەڭىستى جولدارىن  ايتۋعا بولادى.  سونىمەن بىرگە بوكس، باسكەتبول سپورت تۇرلەرىنەن شاكىرتتەرى الماتى وبلىسىنىڭ ءدۇبىرلى جارىستارىندا جەڭىس بيىگىنەن كورىنىپ ولجالى بولىپ جۇرگەن نۋريا مادريموۆا، شولپان جامبىلوۆا سەكىلدى دارىندى، بۇرىمدى باپكەرلەردىڭ توككەن تەرلەرى ەش كەتپەي جەمىسىن بەرۋدە. وسىنداي بەرەكەلى ۇجىمدى ۇيىتىپ وتىرعان ايتۋلى بالالار مەن جاسوسپىرىمدەر سپورت مەكتەبىنىڭ ديرەكتورى، قازاقستان رەسپۋبليكاسىنا ەڭبەگى سىڭگەن جاتتىقىتىرۋشى قاپار راۋانوۆقا ارۋلاردىڭ ايتار العىسى زور. ويتكەنى جارىستاردان قالدىرماي جول قاراجاتىن تاۋىپ بەرىپ شاپقىلاپ ارەكەت جاساپ جۇرگەن جەردە، بەرەكەتى دە بولارى انىق. ەلدىڭ تىنىسى مەن، جەردىڭ ىرىسى، وتباسىنىڭ شامشىراعى بولعان قىز-كەلىنشەكتەر مەن انالاردى قۇرمەتتەپ قۇتتىقتاۋعا ارقاشان قۋانىشتىمىز. جانۇياسىندا باعىپ-قاعىپ وتىرعان ءتول بالالارى مەن قوسا سپورت سالاسىندا شاكىرتتەر  تاربيەلەپ  ايانباي ەڭبەك ەتىپ جۇرگەن ايتۋلى سپورت مەكتەبىنىڭ انالارى مەن ارۋلارىنا زور دەنساۋلىق، وتباسىلىق باقىت، تاۋسىلماس قۋانىش تىلەيمىز. مەرەكەلەرىڭىز قۇتتى بولسىن!.

اقىن ورداباي ۇلى،

الماتى